KRISHNA'S చెప్పు దెబ్బలు-పూలదండలు

గుడ్డలిప్పి చూపడం ఈ ముద్దు గుమ్మలకు భలే ఫ్యాషనైపోయింది

2012-02-16T06:35:00.002+05:30

చాలా సినిమాల్లో నటిస్తే గానీ రాని పబ్లిసిటీ గుడ్డలిప్పి చూపడం ద్వారా వస్తుందని బాలీవుడ్ ముద్దు గుమ్మలు తెలుసుకున్నారు. భారత క్రికెట్ జట్టు ప్రపంచ కప్ గెలిస్తే గుడ్డలు విప్పుతానని ఒక స్టేట్‌మెంట్ పడేసి పూనమ్ పాండే రాత్రికి రాత్రి సెలబ్రిటీ అయి కూచుంది. దాని ద్వారా ఒక రియాలిటీ టీవీ శోలోనూ, కొన్ని బాలీవుడ్ సినిమాల్లోనూ చాన్సులు దక్కించుకుంది.

అన్నా హజారేకి మద్దతుగా లోక్ పాల్ బిల్లు రాకపోతే బట్టలు ఊడదీసి పారేస్తానని సలీమా వలీ ఖాన్ అనే ఒక డిల్లీ మోడలమ్మ చెప్పుకుంది కానీ ఆమెకి అంతగా పబ్లిసిటీ దక్కలేదు. ఇక పాకిస్తానీ భామ వీణా మాలిక్ నగ్నంగా ఒక మ్యాగజైన్ కోసం ఫోజులిచ్చి తన దేశంలో ఇమామ్‌ల ఆగ్రహానికి గురయి, ఇక్కడ బాలీవుడ్‌లో చాన్సులు కొట్టేసింది. మన స్వదేశీ ఐటెమ్ బాంబు రాఖీ సావంత్‌కి కడుపు మంట తెప్పించింది కూడా.

ఇక సన్నీ లియోన్ గురించి చెప్పాల్సిన పని లేదు. మామూలుగానే తన పోర్న్ చిత్రాల్లో ఎలంటి బట్టలూ వేసుకోదు ఈమె. అయితే సంప్రదాయబద్ధంగా గుడ్డలేసుకుని ఆ మధ్య బిగ్ బాస్ షోలో నటించాక మన దేశంలో ఈమెకి బాగా క్రేజ్ వచ్చింది. బూతునే నమ్ముకొని బతికే మహేష్ భట్ వెంటనే తన జిస్మ్ సినిమాకి ఈమెని బుక్ చేసి పడేసి, తన సినిమాలో సన్నీ ఎలా ఉండబోతుందో శాంపిల్‌గా ఒక ఫోటో తీసి వదిలాడు.

ఇప్పుడు తాజాగా షెర్లీన్ చోప్రా ఆ దారిలోకి మళ్ళింది. ఎన్ని రోజులయినా బాలీవుడ్ తనకి తగిన గుర్తింపు ఇవ్వడం లేదు అనుకున్న ఈమె మొన్న ఫిబ్రవరి 11 న తన పుట్టిన రోజు సందర్భంగా తన నగ్న చిత్రాలను ట్విట్టర్‌లోకి ఎక్కించి "నేను పుట్టినప్పుడు ఇలా ఉన్నాను" అని ఒక స్టేట్‌మెంట్ పడేసింది. అయితే ఆమె అభిమానులు అందరూ ఆ చిత్రాన్ని చూసేలోపే ట్విట్టర్ దానిని తొలగించింది. అందుకు ఏ మాత్రం జంకకుండా ఈ అమ్మడు మరొక చిత్రం ఎక్కించింది.

మొత్తానికి గుడ్డలేసుకొని నటించే కన్నా వాటిని విప్పి పడేసి ఫోటోలు దిగితే ఎక్కువ పబ్లిసిటీ వస్తుందని తెలుసుకున్నారు ఈ ముద్దు గుమ్మలు.

25౦౦౦౦౦౦౦౦౦౦౦౦౦

2012-02-14T04:54:00.000+05:30

ఈ సంఖ్య ఏమిటా అని ఆశ్చర్య పోతున్నారా? దీన్ని విడ దీసి, కామాలు పెట్టి చదివితే పాతిక లక్షల కోట్లు అవుతుంది. మన దేశం నుండి విదేశీ బ్యాంకులకి తరలించబడ్డ డబ్బు విలువ అది. రూపాయల్లో. ఇదేదో ప్రతిపక్షాల వాళ్ళు చేసిన ఆరోపణ కాదు. సిబీఐ ఛీఫ్ AP సింగ్ చెప్పిన గణాంకాలు ఇవి.

స్విస్ బ్యాంకుల్లో ఉన్న కాతాలలో అధిక భాగం మన దేశానికి చెందిన వారివే అని కూడా ఆయన వెల్లడించారు. ఇప్పటివరకూ ఎంత నల్ల డబ్బు విదేశాలకు తరలి పోయిందో ఖచ్చితంగా లెక్కించడం అయ్యే పని కాదని చెప్తూ వచ్చిన మన వాణిజ్య మంత్రిగారు ఇప్పుడేమంటారో.

ఈ అక్రమ అకౌంట్లలో పన్ను ఎగ్గొట్టిన బాపతే కాకుండా ఉగ్రవాదులకు చెందిన వారు కూడా ఉన్నారు. స్విట్జర్లాండ్, సింగపూర్, లీష్టెన్‌స్టైన్, కేమాన్ ఐలాండ్, న్యూజీలాండ్, బహామాస్ లాంటి చిన్న చితకా దేశాలు మన వాళ్ళు ఈ డబ్బు దాచుకోవడానికి బోషాణాలు తెరిచి పెట్టుక్కూర్చున్నారట.

ఒక విచిత్రమైన విషయమేమిటంటే, ఈ నల్ల డబ్బుని నిలువ చేసే అవకాశం ఇచ్చే దేశాల్లో చాలా దేశాలు అవినీతి రహిత దేశాలుగా గుర్తింపు పొందడం. అవినీతి తక్కువ ఉన్న దేశంగా మొదటి స్థానంలోన్యూజీలాండ్, అయిదో స్థానంలో సింగపూర్, ఏడో స్థానంలో స్విట్జర్లాండ్ ఉన్నాయి. అయిన ఇతర దేశాల్లో అవినీతి పరుల డబ్బుని తమ దేశాల్లో దాచుకోనిస్తున్నాయి.

ఇప్పుడు లెక్కలు తెలిశాయి కాబట్టి మన పాలకులు ఈ డబ్బులో వందో శాతమయినా వెనక్కి తీసుకురాగలిగితే ఈ దేశంలో పేదరికాన్ని తొలగించవచ్చు.

పూరీ జగన్నాధ్ సినిమాకి బూతులు కావలెను

2012-02-12T04:38:00.000+05:30

కల్లు దుకాణం దగ్గర సూటేసుకుని ఒకాయన కూర్చుని ఉన్నాడు. పక్కన వాయిస్ రికార్డర్ పట్టుకుని ఒకతను, నోట్ బుక్కు పెన్నూ పట్టుకొని మరొకతను కూర్చుని ఉన్నారు. అప్పుడే చుక్కేసుకోవడానికి అటుగా వస్తున్న తన మిత్రుడిని పిలిచాడు అప్పటికే ఫుల్లుగా ఎక్కి ఉన్న ఒక తాగుబోతు,"రారా. ఈ రోజు ఎంత తాగినా డబ్బులు వీళ్ళే కడతారు" అని.

"ఎందుకలా?" అడిగాడు అతను.

"వీళ్ళు పూరీ జగన్నాధ్‌తో సినిమా తీస్తున్నారు. దానిలో వాడ్డానికి డైలాగులు కావాలట. మనం ఫుల్లుగా తాగి బూతులు తిట్టుకుంటే వాటిని వీళ్ళు రాసుకొని, వాడుకుంటారు" చెప్పాడు మొదటి వాడు.

పూనమ్ పాండే నీ ట్వీట్ కేక

2012-02-10T05:04:00.000+05:30

సెలబ్రిటీలకు ట్విట్టర్ అకౌంట్ ఈ మధ్య తప్పనిసరయిపోయింది. ఎంత మంది ఫాలోయర్లు ఉంటే తాము అంత గొప్ప అని వాళ్ళు, వాళ్ళ అభిమానులు అనుకుంటూ ఉంటారు. రామ్ గోపాల్ వర్మ లాటి వాళ్ళు ట్విట్టర్‌లో తమ తిక్క వెలిబుచ్చుతూ ఉంటారు. అయితే కేవలం బట్టలు విప్పి చూపడం అన్న కాన్సెప్టుతో లైమ్ లైట్‌లోకి వచ్చిన (సూడో)సెలబ్రిటీ పూనమ్ పాండే. ఈ అమ్మడు బికినీతో ఫోటోలు దిగి వాటిని అప్‌లోడ్ చేస్తూ తన్ ఫాలోయర్లని ఎంటర్‌టైన్ చేస్తూ ఉంటుంది.

అయితే తనకి బుర్రలో గుజ్జు కూడా ఉందని ఇప్పుడు పూనమ్ ప్రూవ్ చేసింది. సెల్ ఫోన్‌లో బూతు బొమ్మలు చూస్తూ కెమెరాలకి చిక్కి రాజీనామా చేసిన కర్ణాటక మంత్రుల గురించి చాలా మంది సెలబ్రిటీలు ట్విట్టర్‌లో జోకులేశారు గానీ, ఈ టాపిక్ మీద పూనమ్ పాండే ట్వీట్ నాకు నచ్చింది. "2 ministers caught watching porn in assembly were confused souls. They heard 'Get ready for erections' instead of 'elections'. #HEHEHEH"

ఇదే అంశమ్మీద రామ్ గోపాల్ వర్మ ట్వీట్ కూడా చూడండి: "Ministers watching porn in the assembly is a sure sign of an emerging and shining india..jai ho"

ధర్మాన్ని తల కిందులు చేసి పారేస్తున్నారు కదరా?

2012-02-09T09:48:00.000+05:30

భారత ధర్మంలో ఒక సూత్రం ఉంది. ఒక నేరం సైనికుడు చేస్తే విధించే శిక్ష అదే నేరాన్ని సైన్యాధికారి చేస్తే పెరుగుతుంది. అదే నేరం మంత్రి చేసినప్పుడు శిక్ష మరింత పెరిగి, రాజు చేసినప్పుడు ఇంకా పెరుగుతుంది. ఒకే నేరానికి కింది స్థాయి నేరస్తులకన్నా పై స్థాయిలో ఉన్న వారికి శిక్ష తీవ్రంగా ఉంటుంది. స్థాయి పెరిగే కొద్దీ విచక్షణ, బాధ్యత పెరగాలని దీని నిర్దేశకుల అభిప్రాయం అయ్యుండవచ్చు.

అయితే ఇప్పుడు ఈ సూత్రాన్ని తలకిందులు చేసి ఆచరిస్తున్నారు. మద్యం ముడుపులు తీసుకున్నందుకు కింది స్థాయి అధికారులను విచారించి అరెస్టు చేస్తుండగా సాక్షాత్తూ మంత్రి మీదే లంచం పుచ్చుకున్నారని ఆరోపణ చేస్తే ఏ చర్యా లేకుండా పోయింది. నా మీద నేరం ఋజువు చేయండి, రాజీనామా చేసేస్తా అని చాలెంజ్ విసురుతున్నారు ఆ మంత్రి గారు. దేశంలో జైళ్ళలో విచారణ ఎదుర్కొంటున్న ఖైదీలందరూ ఇదే బాట పట్టి, "మమ్మల్ని అన్యాయంగా జైల్లో పెట్టారు. మమ్మల్ని వదిలేయండి. మా మీద నేరం ఋజువయితే మేమే వచ్చి జైల్లో కూర్చుంటాం" అంటే అధికారులు ఏం చేస్తారో?!

లంజల కొంపలు కూడా నడపండి మరింత ఆదాయం వస్తుంది

2012-02-08T05:10:00.001+05:30

టైటిల్ చూసి కోపం తెచ్చుకోవద్దు. "సెలవంటూ వెళ్ళి పోయావా నేస్తం...... దొంగ లంజ కొడుకులసలే మసలే లోకం నుంచి" అని రాశాడు తిలక్ ఒక కవితలో(సారీ. ఇది శ్రీ శ్రీ గారి కవిత. నేను తిలక్ అని రాసింది తప్పు. సరి చేసిన వాహిని గారికి ధన్యవాదాలు). అలాగే నా ఆవేశాన్ని, ఆవేదననీ స్పష్టంగా చెప్పాలంటే ఈ పదం వాడక తప్పదు అనిపించింది. మద్యం మాఫియా చేత ఎమ్మార్పీ ధరలకి మద్యం అమ్మకాలు చేయించలేక వాళ్ళు చేసే ఆ దోపిడీ ఏదో ప్రభుత్వమే చేస్తే ఆ డబ్బు ప్రభుత్వ ఖజానాకే చేరుతుంది కదా అని మద్యాన్ని రిటైల్‌గా ప్రభుత్వమే అమ్మితే పోతుంది కదా అన్న ఆలోచనతో ఎక్సైజ్ అధికారులని ఆ దిశగా చర్యలు చేపట్టమని ఆదేశించారు ముఖ్యమంత్రి. ఇప్పటికే ఆ విధానం అమలులో ఉన్న తమిళనాడుకి వెళ్ళి స్టడీ చేస్తున్నారు అధికారులు. కాబట్టి అతి త్వరలో ఇప్పటికన్నా తక్కువ ధరకే మందు బాబులకి చవకగా మందు దొరకబోతుంది. ధరలని నియంత్రించండి అని ఎవరైనా నేతలని కోరితే ముందు మద్యం ధరలని తగ్గించాం కదా అని చూపించే వెసులు బాటు దొరుకుతుంది మన నాయకులకి. తక్కువ ధరలో దొరుకుతుంది కాబట్టి మరింత ఎక్కువ కొట్టి మత్తులో మునిగిపోవచ్చు మందుబాబులు.

కూలీ నాలీ చేసుకొనేవాడు రోజంతా కష్టపడి సంపాయించిన డబ్బు ఇంట్లో పెళ్ళానికీ, పిల్లలకి ఇవ్వకుండా మందుకి తగలేసి నానా జబ్బులతో చస్తున్నాడు ఒక పక్క, మూతి మీద మీసం మొలవక ముందే బాటిల్ పడుతున్నారు పిల్లలు మరోపక్క. ఇలా ఎంత మందినో బలి చేస్తున్న మద్యం మహమ్మారిని నియంత్రించాల్సింది పోయి ప్రభుత్వమే స్వయంగా మందు అమ్మడం మొదలు పెట్టడం సిగ్గు చేటు కాదా. ప్రభుత్వం చేసే తప్పులని ఎండగట్టాల్సిన ప్రతిపక్ష నేత రోజంతా కష్టపడ్డ తమ్ముళ్ళకి సాయంత్రమయ్యే సరికి ఒకటో రెండో పెగ్గులు ఎమ్మార్పీ ధరలకి అమ్మాల్సిందే అని ఉద్యమాలు చేస్తున్నాడు సిగ్గు లేకుండా. అవున్లే, మద్య నిషేధానికి అంచెలంచెలుగా తూట్లు పొడిచిన ఘనత సార్‌దే కదామరి. మరో వైపు ముఖ్య మంత్రి పీఠం నా జన్మ హక్కు అని ఎలుగెత్తి అందరినీ ఓదారుస్తున్న యువ నేత, ఇంటింటికి, వీధి వీధికీ మద్యం వ్యాపించడానికి తన తండ్రి, ప్రియతమ నాయకుడూ, దివంగత మహా నేత కారణమని మర్చి పోయి అధికారమిస్తే లైసెన్సు ఫీజు, మద్యం రేటు మరింత పెంచుతానని అంటున్నాడే కానీ ప్రజల డబ్బులు ఖాళీ చేసి జబ్బులు తెచ్చి పెడుతున్న ఈ మహమ్మారిని పారదోలుతానని ఒక్కడన్నా అంటాడా?

అందుకే మరింత డబ్బు కావాలని ఏలిన వారికి ఎప్పుడన్నా అనిపిస్తే ప్రభుత్వ వేశ్యా గృహాలు నడపడానికి కూడా వీళ్ళు వెనుకాడరు. ఆర్గనైజ్డ్ ప్రాస్టిట్యూషన్ ఎంత అందంగా ఉంటుందో ఇర్వింగ్ వాలెస్ ది సిల్వర్ రూమ్ అన్న్ నవలలో చాలా బాగా రాశాడు. తెప్పించుకొని చదవండి సార్. మీ అధికారులతో చదివించి ఆ దిశగా ప్రపోజల్స్ తయారు చేయించండి.

ఇప్పుడు ఇంగ్లీషువారి మీద పగ తీర్చుకోవడానికి ఒక అవకాశం

2012-02-03T16:32:00.000+05:30

మన జాతిని రెండు శతాబ్దాలు బానిసలుగా మార్చి మనల్ని పీడించిన ఇంగ్లీషు వారిని తలుచుకుంటేనే నాకు కోపం వస్తూంది. వందే మాతరం అని ఎలుగెత్తి అరవాలన్నా, భగత్ సింగ్ పద్ధతిలో పోరాడాలన్నా వాళ్ళు ఇప్పుడు ఇక్కడ లేరు. ఇప్పుడు వ్యాపారం పేరిట వచ్చే విదేశీయులతో పోరాడాలంటే మన ప్రభుత్వాలే ఒప్పుకోవు. పట్టి జైల్లో పడేస్తాయి. అయితే ఇంగ్లీషువారి మీద పగ తీర్చుకోవడానికి ఒక అవకాశం ఈ మధ్యే నాకు కనిపించింది.

ఇంగ్లీషు వారికి వారి బాష అంటే ఎనలేని అభిమానం. అందుకే వారి బాషని కంగాళీగా మార్చి పారేసే అమెరికన్లది ఇంగ్లీషు అంటే వారు అంగీకరించరు. అది అమెరికన్ అంటారు. అలాంటి ఇంగ్లీషు వారికి ప్రీతి పాత్రమైన బాషని చావుదెబ్బ తీసిన ఒక ఇంజనీరు కుర్రాడిని ఈ మధ్యే పరిచయం చేసుకోగలిగాను.

ఇంజనీరింగ్ పూర్తయిన నా కజిన్ ఫేస్ బుక్‌లో అతడి ఫ్రెండ్ పెట్టిన ఒక కామెంట్‌ యధాతధంగా ఇలా ఉంది: ekkada nuvvu, em doing? నువ్వు ఎక్కడ ఉన్నావు, ఏం చేస్తున్నావు అని దాని అర్ధం. దీన్ని ఒక ఇంగ్లీషువాడికి చూపించి వాడి మొహం చూడాలని ఉంది నాకు.

దళిత ముద్ర లేకపోతే అంబేద్కర్‌కి ఇంత సీనుండేదా?

2012-01-31T04:18:00.001+05:30

మొన్న అమలాపురంలో కొందరు దుండగులు అంబేద్కర్ విగ్రహాలు నాశనం చేయగానే అన్ని పార్టీలకు చెందిన నాయకులు యుగాంతం వచ్చినట్లు రియాక్ట్ అయ్యారు. ఎక్కడెక్కడో ఉన్న వారందరూ వచ్చి ఆ విగ్రహాలను పరిశీలించి ఆ సంఘటనని ఖండించారు. చివరికి వి. హనుమంత రావు కూడా రంగంలోకి వచ్చాడు. అంబేద్కర్ విగ్రహాలని ప్రభుత్వమే పునరుద్ధరించాలని, కాంస్య విగ్రహాలని ఏర్పాటు చేయాలని, అన్ని అంబేద్కర్ విగ్రహాలకి ప్రభుత్వం రక్షణ ఏర్పాటు చేయాలని ఇలా ఎవరికి తోచినట్లు వారు స్టేట్‌మెంట్లు ఇచ్చి అంబేద్కర్ అంటే తమకి ఎంతో భక్తి ఉందని చాటుకోవాలని ప్రయత్నించారు. మరి కొందరయితే అంబేద్కర్ అసహ్యించుకున్న బ్రాహ్మణవాద రిచువల్స్ అయిన క్షీరాభిషేకం, గంగా జల, గంధపు అభిషేకం లాంటి వాటితో ఆ విగ్రహాలని శుద్ధి చేసే తిక్క పనులు కూడా చేశారు.

ఈ ఎపిసోడ్ మొత్తంలో అందరూ వినిపించిన రాగం ఏమంటే అంబేద్కర్ ఏ ఒక్క మతానికో, కులానికో చెందిన వ్యక్తి కాదు, భారత రాజ్యాంగ నిర్మాతగా మొత్తం జాతికే ఆరాధ్యనీయుడు, భారత జాతి మొత్తం గర్వించదగ్గ వ్యక్తి అన్నది. అంబేద్కర్ దళితుడు కాకపోయినా, దళిత ఓటు బ్యాంకుకి ఆయన ఐకాన్ కాకపోయి ఉన్నట్లయితే ఈ నాయకులు ఈ విషయంలో ఇంతగా స్పందించి ఉండేవాళ్ళా? రాజ్యాంగాన్నే ఎప్పుడో తుంగలో తొక్కిన ఈ నాయకులు రాజ్యాంగ నిర్మాతకి ఈ విలువ ఇచ్చేవారా?

ఈ ముగ్గురు గొప్పోళ్ళ దృష్టిలో ఎవరు గొప్పో చూడండి.

2012-01-30T17:39:00.000+05:30

ఒక్క రోజులో పది వేల రూపాయలు 49 వేల కోట్ల రూపాయలుగా మారిపోయిన వైనం

2012-01-18T23:41:00.000+05:30

ఇదేదో ముఖ్యమంత్రి కొడుకుగా జగన్ మోహన్ రెడ్డి చేసిన స్కామో, తన పదవిని అడ్డు పెట్టుకొని 2G రాజా చేసిన కుంభ కోణమో తండ్రి నిర్మించిన వ్యాపార సామ్రాజ్యాన్ని విస్తరించి అంబానీలు సంపాయించిన అస్థులో కావు. ఒక బడి పంతులు బ్యాంక్ అకౌంట్‌లో జరిగిన విడ్డూరం ఇది.

పశ్చిమ బెంగాల్ రాష్ట్రంలోని దక్షిణ దినాజ్‌పూర్ జిల్లాలోని బాలుర్‌ఘాట్ అనే ఊరిలో నివసిస్తున్న పారిజాత్ సహా అనే బడి పంతులుకి స్టేట్ బ్యాంక్ ఆఫ్ ఇండియా ఈ ఆదివారం గూబ గుయ్యిమనేలా షాక్ ఇచ్చింది. నెలకి ముప్పయి అయిదు వేలు జీతం అందుకొనే ఈ అయ్యవారికి ఆ బ్యాంక్‌లో అకౌంట్ ఉంది. అకౌంట్‌లో బ్యాలన్స్ చూసుకొందామని ఆదివారం ఇంటర్‌నెట్‌లో చెక్ చేశాడు సహా. అతని లెక్క ప్రకారం అందులో పది వేల రూపాయలు ఉండాలి. వడ్డీ కలుపుకొన్నా ఇంకో వందో రెండొందలోఅదనంగా ఉంటుంది అంతే అనుకుని తన ఖాతా వివరాలు ఓపెన్ చేసిన పారిజాత్ సాహాకి దిమ్మ తిరిగి మైండ్ బ్లాకయింది. అతని ఖాతాలో ఉన్న బ్యాలన్స్ అక్షరాలా నలభై తొమ్మిది వేల కోట్ల రూపాయలు. అంకెల్లో అయితే 49,000,00,00,000 రూపాయలు.

ఎప్పుడో ప్రభుత్వ బడ్జెట్ లెఖ్ఖల్లో, అంబానీల ఆస్తి పాస్తుల వివరాల్లోనో, 2G స్కాముల గొడవల్లోనో తప్ప అంత మొత్తం చూసి ఉండని మనలాంటి మామూలు పౌరుడు అయిన పారిజాత్ సాహా షాక్ నుండి తేరుకొని మరుసటి రోజు బ్యాంక్ మానేజర్‌ని కలిసి విషయం చెప్పాడు. ఆ పొఅరబాటు ఎలా జరిగిందో అర్ధం కాక జుట్టు పీక్కుని ఈ విషయం ఎక్కడా చెప్పొద్దని ఆయన అకౌంట్‌ని బ్లాక్ చేశారు.

తనకి రావలసిన పది వేల రూపాయలు డ్రా చేసుకున్న సాహా తన అకౌంట్‌లో ఆ మొత్తం ఇంకా అలాగే ఉంది అంటున్నాడు. అసలే జరిగిందో తెలుసుకొనే ప్రయత్నంలో సదరు బ్యాంక్ సిబ్బంది మునిగి పోయారు.

భారత క్రికెట్ జట్టుని అజేయంగా మార్చడం ఎలా (విదేశీ గడ్ద మీదయినా సరే)?

2012-01-15T05:33:00.002+05:30

అస్ట్రేలియాలో మన జట్టు ఎదుర్కొంటున్న అపజయాలని, అవమానాలనీ చూస్తుంటే చాలా బాధ వేస్తుంది. 99 సెంవరీలు చేసిన టెండూల్కర్, కోటాను కోట్ల వ్యాపార ప్రకటనల్లో నటిస్తున్న ధోని ఇలాంటి అద్వితీయమైన ఆటగాళ్ళు ఉండీ అలా అపజయాల బారిన పడ్డం ఏమైనా న్యాయమా? అందులోనూ మన BCCI వీరి వెనక ఉంది అన్న విషయం తెలిసి కూడా ఈ మీడియా ఇలా విజృంభించి వీరిని ఇలా చీల్చి చెండాడుతుంది అంటే మరి బాధేయదూ? ఈ వరుస పరాజయాలు మన ఆర్ధిక వ్యవస్థను కూడా దెబ్బ తీస్తాయి మరి. ఇంకొన్నాళ్ళు ఈ పరాజయ పరంపర కొనసాగితే అభిమానులు క్రికెట్‌ని వదిలి పారేస్తే వందల కోట్ల పెట్టుబడితో నడుస్తున్న ఐపీఎల్ ఏం కావాలి? వేల కోట్లతో నడుస్తున్న వ్యాపార సామ్రాజ్యాలు ఏం కావాలి?

కాబట్టి BCCI రంగంలోకి దిగి కొన్ని చర్యలు చేపడితే ఈ అపజయాలకు అడ్డు కట్ట వేసి మన జట్టుని విజయాల వైపు మళ్ళించవచ్చు. ఇలా చేయడం అయ్యే పనేనా అన్న అనుమానం వద్దు. ఈ BCCI కి ఉన్న ఆర్ధిక బలంతో ఏమైనా చేయొచ్చు. ICC కూడా మనవాళ్ళు చెప్పినట్లు ఆడుతోంది కదా? అంపైర్ నిర్ణయాలని పునఃపరిశీలించే DRS మాకొద్దు అని మనవాళ్లంటే సరే అలాక్కానివ్వండి అని సర్దుకుపోలేదూ?

మనం మన దేశంలోనే, కాదంటే భారత ఉపఖండంలోనే అన్ని మ్యాచ్‌లు ఆడాలి. అప్పుడప్పుడూ విదేశీ టూర్స్ లేకపోతే మరీ బావుండదు అనుకొంటే అక్కడ మన వాళ్ళు ఆడే పిచ్‌లన్నీ మన వాళ్ళు నియమించిన క్యూరేటర్స్ మాత్రమే డిజైన్ చేయాలి. మన ప్రత్యర్ధి జట్లు వాళ్ల జట్లలో ఇద్దరికి మించి ఫాస్ట్ బౌలర్లకి చోటివ్వకూడదు. మన వాళ్ళు అయిదు వికెట్లు కోల్పోతే ఆ తరువాత మన ప్రత్యర్ధి జట్లు ఎప్పుడు ఎవరు బౌలింగ్ చేయాలి అన్నది నిర్ణయించే అధికారం మన కెప్టెన్‌కి ఉండాలి.

మన బ్యాట్స్‌మెన్‌లో కనీసం ఒకరికయినా సెంచరీ పూర్తయిందాక అవుట్ కాకుండా అడే సౌలభ్యం ఉండాలి. ఎన్ని సార్లు అవుటయినా వంద పరుగులు అయ్యేదాకా క్రీజ్‌లోనే ఉంటాడన్నమాట. ఇక బౌలింగ్ విషయానికొస్తే పిచ్ ఎక్కడయినా ఫాస్ట్ బౌలింగ్‌కి అనుకూలిస్తుంది అన్న అనుమానం వస్తే మన జట్టు ప్రపంచంలో ఏ దేశానికి చెందిన బౌలర్లనయినా కొనుక్కోవచ్చన్న అధికారం కూడా మనకి ఉండాలి. మన వాళ్ళిచ్చే డబ్బుకి ఎవరయినా వాళ్ళ జట్టు అప్పుడు మరెవరితోనయినా సిరీస్ ఆడుతున్నా ఆ జట్టుని వదిలేసి వచ్చి ఆడిపోరూ?

ఇలాంటి నిబంధనలు అంగీకరించం అని ICC మొండికేస్తే మేం ICC నుంచి తప్పుకుంటాం అని బెదిరిస్తే వాళ్ళు చచ్చినట్లు దిగి వస్తారు. మన BCCI తడాఖా అలాంటిది.

ఈ కోతి చాలా చిలిపి!!!

2012-01-15T04:54:00.000+05:30

ఎవరయినా తిక్క పని చేస్తే కోతి బుద్ధి అని తిడతాం. కానీ కోతులే ఆ పనులు చేస్తే ఏమనాలి? నైజీరియాలోని పాన్‌డ్రిల్లస్ సాంక్చువరీలోని ఒక చింపాంజీ జూ కీపర్‌గా ఉన్న అందమైన అమ్మాయిని అందాలను చూడడానికి ఏం చేసిందో ఈ ఫోటోలో చూడండి. కాబట్టి ఇలాంటి చిలిపి పనులు చేసే బుద్ధి మన ముత్తాత్తాత్తాతల జీన్స్ నుండి వచ్చింది అనుకోవాలేమో?

ఉపకరణాలు (tools) తయారు చేసుకోవడం మానవులకి మాత్రమే తెలిసిన విద్య కాదని, చింపాంజీలకు కూడా ఈ సామర్ధ్యం ఉందని జేన్ గూడాల్ అనే పరిశోధకురాలు నిరూపించింది. ఆడవారి అందాలను తొంగి చూడడం కూడా చింపాజీలకు కూడా ఉందని అనుకోవాలేమో!

ఈ కారణాలు చాలవా సూర్యుడు దేవుడు అని దండాలు పెట్టడానికి.

2012-01-13T05:11:00.002+05:30

ఊహించినట్లే స్కూలు పిల్లల చేత సూర్య నమస్కారం చేయించాలన్న మధ్య ప్రదేశ్ ప్రభుత్వం ప్రతిపాదన వివాదాస్పదమయింది. పిల్లలతో మాస్ బెల్లీ డాన్స్ (mass belly dance) చేయించాలని ప్లాన్ చేస్తే ఏమాత్రం ఎవరు కూడా అడ్డు చెప్పి ఉండే వారు కాదేమో. అది విగ్రహారాదన కాదని ముస్లిం మత పెద్దలు వదిలేసి ఉండే వాళ్ళు. ఇక దేవుని బిడ్డలకి కూడా దానిలో ఏమీ అభ్యంతరకరమయిన విషయం ఉండేది కాదు.

ముస్లిం మత పెద్దలు సహజంగానే మూర్ఖులు కాబట్టి( అరటి పండ్లు తాకితే ఆడవారికి శృంగార పరమయిన ఆలోచనలు వస్తాయి కాబట్టి అరటి దోస లాంటి పండ్లు కూరగాయలు ఆడ వారు తాక కూడదు అని ఫత్వా జారీ చేసిన చరిత్ర వీరిది.మూర్ఖులు అన్న పదం ముస్లిం మత పెద్దలకే, ముస్లింలు అందరినీ ఉద్దేశించి అన్నది కాదు ) వాళ్ళు అభ్యంతరం చెప్పడంలో వింత ఏమీ అనిపించలేదు. కానీ సూర్యుడు దేవుడా అని క్రిస్టియన్స్ అభ్యంతరం చెప్పడమే వింత అనిపించింది.

మిగిలిన దేవుళ్ళ విషయంలో అభ్యంతరం చెబితే ఏమో అనుకోవచ్చు. ఆడ దాని కోసం రూపం మార్చుకొని వెళ్ళిన నువ్వూ ఒక దేవుడివా? నువ్వొక లోఫర్‌వి, డాఫర్‌వి అని సాక్షాత్తూ దేవుళ్ళకి అధిపతి అయిన ఇంద్రుడిని యమగోల సినిమాలో ఎన్టీఆర్ నిలదీసాడు కదా? కానీ సూర్యుడు దేవుడా అని అడగడమే వింతగా ఉంది. ఏ మతస్థులయినా, చివరికి దేవుడి మీద నమ్మకం లేని నాలాంటి నాస్తికులయినా సరే దేవుడు అని నమ్మాల్సిన వాడు సూర్యుడు.

ఏ స్కూలు పిల్ల వాడి నడిగినా సూర్య రశ్మిలో విటమిన్ D ఉంటుంది అది ఎముకల పటుత్వానికి అవసరం అని చెబుతారు. అంతే కాకుండా విటమిన్ D కణ విభజనలో కూడా తోడ్పడుతోంది. దీన వలన గాయాలు మానడమే కాకుండా కాన్సర్ రాకుండా కూడా ఉపయోగం ఉంటుంది. సూర కాంతికి ఎక్కువగా ఎక్స్‌పోజ్ అయిన వారిలో చాలా రకాల కాన్సర్ తక్కువగా వస్తుంది అని డాక్టర్స్ చెబుతారు. ముఖ్యంగా పెద్ద పేగు, మల ద్వారానికి సంబంధించిన కాన్సర్ మీద ఈ ప్రభావం ఎక్కువగా ఉంటుంది.

ఇక Multiple Sclerosis అన్న ఒక వ్యాధి ఉంది. ఇది మెల్ల మెల్లగా శరీరంలో ఉన్న నాడీ వ్యవస్థని దెబ్బ తీసి ఆ రోగి నడవ లేని స్థితికి తీసుకెళ్తుంది. ఇప్పటికింకా ఈ వ్యాధికి మందు లేదు. యుక్త వయస్సులో వచ్చే ఈ వ్యాధి ఉష్ణ మండలాల్లో తక్కువగా, శీతల దేశాల్లో ఎక్కువగా ఉంటుంది. ఇందుక కారణం సూర్య రశ్మి అని శాస్త్రవేత్తల అభిప్రాయం.

ఈ కారణాలు చాలవా సూర్యుడు దేవుడు అని దండాలు పెట్టడానికి.

దేశంలో అవినీతి, నల్ల డబ్బుపై కొన్ని కార్టూన్ తూటాలు

2012-01-09T23:38:00.005+05:30

ఈ సెలబ్రిటీలకు మానర్స్ పట్టవా ?

2012-01-08T05:05:00.000+05:30

మొన్న టీవీలో అలా చానల్స్ తిప్పుతూ ఉండగా ఒక చోట శ్రీ రామ రాజ్యం అర్ధ శత దినోత్సవ వేడుకలు కనిపించింది. ఒక మంచి సినిమా కష్ట పడి, బాగా ధైర్యం చేసి తీశారు అన్న అభిప్రాయం నాకు ఉండడంతో కాస్సేపు చానల్ మార్చకుండా చూశాను. ఇలాంటి వేడుకలలో హీరోని ఆకాశానికి ఎత్తేయడం మామూలు. కానీ ఇక్కడ బాలకృష్ణని పొగడ్డం సమంజసం అనిపించింది. ఈ సినిమాలో వయసు స్పష్టంగా కనిపించినా, తొడగొట్తడాలు, సుమోలు గాలిలోకి ఎగరడాలు లేకపోయినా, తన restrained performance తో బాగా చేశాడు బాల కృష్ణ.

అయితే మధ్యలో ఒకాయన మాట్లాడుతూ హీరోని ఆకాశానికి ఎత్తేస్తూ ఉండగా బాల కృష్ణ మరొక వైపు తన సెల్ ఫోన్‌లో మాట్లాడుతూ బిజీగా ఉండిపోయాడు. అంతే కాకుండా పక్కన కూర్చున్న కృష్ణం రాజుకి ఆ ఫోన్ అందించి ఆయనతో ముచ్చట్లాడుతూ కనిపించాడు. పాపం ఆ వక్త తన మాటల మధ్యలో తల తిప్పి బాల కృష్ణ వైపు చూసినప్పుడు హీరో గారు తన సంభాషణలో బిజీగా ఉన్నారు.

కనీసం ఇలాంటి సమావేశాలలో అయినా కొంచెం మానర్స్‌తో మెలగాలని ఈ సెలబ్రిటీలకి అనిపించదేమో పాపం.

భారత బ్యాటింగ్ సత్తా అంచనా వేయలేకపోయిన మైఖేల్ క్లార్క్

2012-01-07T05:18:00.001+05:30

సిడ్నీ టెస్టులోమూడవ రోజు, అప్పటికే ఆస్ట్రేలియాకి భారీ ఆధిక్యం లభించింది, కెప్టెన్ మైఖేల్ క్లార్క్ 329 పరుగులతో అజేయంగా ఉన్నాడు. టీ సమయానికి ఇంకా కొన్ని ఓవర్లు మిగిలున్నాయి, వాటి తరువాత ఒక సెషన్ ఆట, దాని తరువాత రెండు రోజులు మిగిలి ఉన్నాయి, అప్పటికి అస్ట్రేలియాకి ఇంకా ఆరు వికెట్లు ఉన్నాయి, క్లార్క్ ఇష్టం వచ్చినట్లు బంతిని బాది పారేస్తున్నాడు, ఇంకో వైపు మైఖేల్ హస్సీ కూడా వన్డే లెవెల్లో ఉతికేస్తున్నాడు. క్లార్క్ ముందు ఎన్నో రికార్డులు ఊరిస్తున్నాయి. అత్యధిక పరుగులు సాధించిన ఆస్ట్లేలియన్‌గా రికార్డు సాధించిబ్రాడ్‌మాన్, హెయిడెన్‌ల సరసన చేరవచ్చు, దాన్ని దాటి టెస్టుల్లో అత్యధిక స్కోరు 400 పరుగులతో లారా రికార్డు, అప్పటికీ ఓపిక మిగిలి ఉంటే ఎవరూ దగ్గరికి కూడా రాలేని విధంగా 500 పరుగులు కూడా సాధించ వచ్చు. అప్పటికే భారత కెప్టెన్ ధోని వికెట్లు తీసే ప్రసక్తి పెట్టుకోకుండా రక్షణాత్మక వ్యూహాలతో బౌలింగ్ వేయిస్తున్నాడు. కొట్టి కొట్టి కొట్టే వాడే అలిసి పోక పోతాడా అన్న పద్ధతిలో భారత్ బౌలింగ్ సాగుతోంది. ముందుగా డిక్లేర్ చేయకపోతే మిగిలిన రెండు రోజులూ బ్యాటింగ్ చేసి భారత్ మ్యాచ్‌ని కాపాడుకొంటుందేమో అన్న భయానికి తావు లేకుండా అప్పటికి ఆడిన మూడు ఇన్నింగ్స్‌లోనూ ఒక రోజు పూర్తిగా భారత్ ఆడలేకపోయింది.

ఇలాంటి స్థితిలో మైఖేల్ క్లార్క్ భారత ఆటగాళ్ళని చూసి భయపడ్డాడు. అరివీర భయంకరులు ఉన్న బ్యాటింగ్ లైనప్ చూసి వీళ్ళు రెండు రోజులూ పూర్తిగా బ్యాటింగ్ చేసి తమకు విజయం అందకుండా చేయగల సమర్ధులు అని బెంబేలెత్తాడు. వ్యక్తిగత రికార్డుల కోసం మ్యాచ్‌ని పణంగా పెట్టలేకపోయాడు. అటు వైపు హస్సీ 150 పరుగుల స్కోరు అందుకోగానే తమ ఇన్నింగ్స్ డిక్లేర్ చేశాడు. అయితే ప్రత్యర్ధి సత్తా సరిగ్గా అంచనా వేయడం అతడికి చేత కాలేదని ఎత్తి చూపిస్తూ ఇంకా ఒక రోజు మిగిలి ఉండగానే మన జట్టు ఆలౌటయింది.

"నా రికార్డుల కన్నా జట్టు విజయం ముఖ్యం, అందుకే డిక్లేర్ చేశాను. ఒక వేళ విజయం సాధించడానికి మరిన్ని పరుగులు చేయాల్సిన అవసరం ఉందనిపించి ఉంటే బ్యాటింగ్ కొన సాగించి ఉండేవాడిని" అని చెప్పాడు నాలుగవ రోజు ఆట ముగిశాక.

మన చవటాయిలు కానీ, అంతకన్నా చవటాయి మీడియా కానీ మన వాళ్ళు ఆస్ట్రేలియా పర్యటన లక్ష్యం అక్కడ మ్యాచ్‌లు గెలవడమే కానీ సచిన వందో సెంచరీ కోసం కాదని, సిరీస్ విజయంలో ఆ ముచ్చట తీరితే అనందించాలి కానీ అదే అసలు టార్గెట్ కాదని గుర్తిస్తే మంచిది.

రాష్ట్రానికి ALDS పట్టింది, వెంటిలేటర్ మీద పెట్టండి

2011-12-30T05:18:00.001+05:30

ARDS అని ఒక కండీషన్ ఉంది. శ్వాస పీల్చుకోవడానికి కష్టపడుతుంటాడు ఇది వచ్చిన పేషంట్. దానితో ICU లోకి, వెంటిలేటర్ మీదికి అక్కడినుంచి మరణానికి చేరువవుతాడు. Acute Respiratory Distress Syndrome అంటారు దీనిని. ఇప్పుడు మన రాష్ట్రానికి కూడా ఇలాంటిదే ALDS అన్న జబ్బు చేసింది. Acute Leadership Deficit Syndrome అని పిలవచ్చు దీనిని. సరయిన నాయకుడు లేక రాష్ట్రం ఊపిరాడక అల్లాడుతోంది. ప్రతిరోజూ పేపర్లో నాయకుల ఫోటోలు చూస్తూ ఉంటాం అలాంటిది నాయకుడే లేడు అంటాడు వీడెవడురా అనుకోవద్దు. కావాలంటే మీరే దీన్ని సాంతం చదవండి.


ఇప్పుడు నాయకుడయి ఒకాయన పాలిస్తున్నాడు. తాను నాయకుడినని గద్దెనెక్కే క్షణం వరకూ ఆయనకే తెలియదు. ఆయన నాయకుడని గద్దె నెక్కాక కూడా ఆయన కింద పనిచేసే మంత్రులకు తెలియదు, ఇప్పటికీ ప్రజలకు తెలియదు. లక్షలకు లక్షలు ఉద్యోగాలిస్తానని, కోట్లకి కోట్లు ఋణాలిస్తానని, ముందుంది ముసళ్ల పండగ, సారీ, మంచి కాలం అని రోజూ పేపర్లలో ప్రకటనలు దంచి పారేసి, చివరికి ముడ్డి కడుక్కోవడానికి కూడా డిల్లీ నుంచి అనుమతి కోసం ఎదురు చూస్తుంటాడు ఈ నాయకుడు. ఇక ఈయనకు పోటీగా కుర్చీ ఎక్కడానికి సిద్ధంగా నిరీక్షిస్తున్న మరొకాయన్ని చూస్తే ఈయన వంటి నిండా సారా కంపు, అవినీతి మరకలు.


ఒకప్పుడు కుర్చీని మాయోపాయంతో దక్కించుకొని, తరువాత పోగొట్టుకుని తిరిగి ఎక్కడానికి శతవిధాల యత్నిస్తున్న ఒక బాబు గారిని ప్రజలు నమ్మే పరిస్థితిలో లేరు. ప్రజల దాకా ఎందుకు ఆయన అనుచరులే ఆయన్ని నమ్మేలా లేరు. నా తండ్రి కుర్చీ నాకు ఇవాల్సిందే అని రాష్ట్రమంతా తిరిగి గీపెట్టి గోల చేస్తున్న యువరాజు ఎప్పుడు శ్రీ కృష్ణ జన్మ స్థానానికి పోవల్సి వస్తుందో తెలియని స్థితి.

ఇప్పుడు ఉన్న వారందరూ చేతగాని సన్నాసులు, అవినీతి కంపు కొట్టే దరిద్రులూ, స్వచ్చమైన పాలన కావాలంటే నేను రాజకీయాల్లోకి రావల్సిందే అని రాజకీయాల్లోకి దూసుకొచ్చిన ఒక ఆశాజ్యోతి పదవుల్లేకపోతే నేను బతకలేనని ఆ సన్నాసులూ, దరిద్రులతోనే కలిసి పోయి వారి మోచేతి నీరు తాగడానికి సిద్ధమయి పోయాడు. ఇక రాష్ట్రాన్ని ముక్కలు చేయడమే లక్ష్యంగా పని చేసే వాడొకడు, ఏం పని చేయాలో తెలియక పిచ్చిగా తిరుగుతూ, ఎక్కడో నక్కి అప్పుడప్పుడూ తాము బతికే ఉన్నామని కలుగులోఛి బయటకొచ్చే ఎర్ర ఎలుకలూ, సత్తా లేని, పత్తాలేని నాయకుడు ఇంకొకాయన... వీళ్ళు ఇప్పుడు ఈ రాష్ట్రానికి దిక్కు.


కాబట్టి నాయకుడయి ముందుండి నడిపించేవాడు వచ్చే వరకూ ఈ రాష్ట్రానికి ఈ జబ్బు నయం అయ్యే అవకాశం లేదు.

రాజన్న సినిమాలో మల్లమ్మ డిల్లీకి నడిచి వెళుతూ రాజస్థాన్‌కి ఎందుకు వెళ్ళి ఉంటుందంటే......

2011-12-29T23:13:00.001+05:30

ఆదిలాబాద్ నుంచి డిల్లీకి నడిచి వెళ్ళే దారిలో రాజస్థాన్ వస్తుందా? రాజన్న సినిమా చూసి వస్తుంటే నా ఫ్రెండ్ నన్ను అడిగిన ప్రశ్న ఇది. వాడే కాదు, రాజన్న సినిమాని రివ్యూ చేసిన వాళ్ళు కొందరు తమ బ్లాగుల్లో కూడా ఈ విషయాన్ని ఎత్తి చూపించారు. అయితే అదేమంత తప్పు కానీ, పొరబాటు కానీ కాదని నా ఉద్ధేశ్యం.

చిన్న పిల్ల ఏమీ తెలియకుండా, ఎవరూ తోడు లేకుండా ఒక్కటే అంత దూరం నడిచే వెళ్ళే సమయంలో దారి తెలియకుండా ఎక్కడో పొరబాటుగా వాయవ్య దిశగా తిరిగి రాజస్థాన్ వెళ్ళి అక్కడ ఎవరో చెప్తే తిరిగి డిల్లీ దారి పట్టి ఉంటుందని అనుకుంటే సరి.

వ్యోమగాముల వీధిలో ఇంటి పైన రాలి పడ్డ ఉపగ్రహం

2011-12-25T16:26:00.002+05:30

2011 లో రష్యా ప్రయోగించిన ఉపగ్రహాలు ఎక్కువ భాగం నేల మీదే రాలిపోయాయి. ఈ సంవత్సరం మొత్తం ఆరు ఉపగ్రహాలు తమ కక్ష్యలోకి చేరకుండా రాలిపోయాయి. సాధారణంగా ఇలా భూమి మీద పడ్డ వాటిలో అధిక భాగం ఎక్కడో ఎడారులలోనో, సముద్రాలలోనో పడుతుంటాయి. అప్పుడెప్పుడొ స్కైలాబ్ గానీ, మొన్నీ మధ్య ఒక అమెరికన్ ఉపగ్రహం కానీ జనావాసాల మధ్య పడే అవకాశం ఉందని భయ పెట్టినా అవి చివరికి ఎక్కడో సముద్రాలలో కూలిపోయి ఎవరికీ హాని కలిగించలేదు.

అయితే శుక్రవారం రష్యన్లు సోయుజ్ రాకెట్ ద్వారా ప్రయోగించిన మెరిడియన్ అనే ఉపగ్రహం మాత్రం అలా కాకుండా జనావాసం మధ్య పడడానికి ఎంచుకుంది. దీనిలో ఐరనీ ఏమిటంటే అది అందుకు ఎంచుకున్న ప్రదేశం. రష్యా దేశానికి చెందిన ఆసియా భూభాగంలోని సైబీరియా ప్రాంతంలో నోవోబిర్స్క్ ప్రాంతంలో ఒర్డిన్స్క్ జిల్లాలో వాగైత్సెవో అన్న గ్రామం ఉంది. ఈ ఊరిలో కాస్మొనాట్ వీధి ఉంది. కాస్మొనాట్ అంటే వ్యోమగామి. అమెరికన్లు ఆస్ట్రొనాట్ అంటే రష్యన్లు కాస్మొనాట్ అంటారు. తమ దేశానికి అంతరిక్ష రంగంలో పేరు తెచ్చి పెట్టిన యూరి గగారిన్, వాలెంటినా టెరిష్కోవా లాంటి వ్యోమగాములని పురస్కరించుకొని ఆ వీధికి ఆ పేరు పెట్టారు.

ఆ వీధిలో ఆండ్రీ క్రివోరుచెంకోకి చెందిన ఇంటి మీద మెరీడియన్ ఉపగ్రహానికి చెందిన అర మీటరు వ్యాసం గల ఒక గోళం వచ్చి పడి ఇంటి కప్పుకి రంధ్రం చేసింది. అయితే ఈ సంఘటనలో ఎవరికీ ఎలాంటి గాయాలు తగల్లేదు. ఇంటికి జరిగిన నష్టాన్ని తాము భరిస్తామని రష్యా అంతరిక్ష సంస్థ తెలిపింది.

ఈ సంవత్సరం రష్యా అంతరిక్ష ప్రయోగాలకి అచ్చి రాలేదు. ఆరు ప్రయోగాలు విఫలమయ్యాయి. ఇదే సోయుజ్ రకానికి చెందిన మరో రాకెట్ ప్రయోగం ఇవాళ(డిసెంబరు26) రష్యాలోని బైకనూర్‌లో జరగనుంది. అదైనా విజయవంతం కావాలని అధికారులు ఆశిస్తున్నారు.

అక్కడ స్కూల్స్‌లో కాళ్ళూ చేతులూ నరకడమే సిలబస్

2011-12-24T05:16:00.000+05:30

సౌదీ అరేబియాలో పాఠశాలల్లో పిల్లల పాఠ్య పుస్తకాలలో షరియా చట్తం విధించే శిక్షలకి అనుగుణంగా చేతులూ నరకడం ఎలాగా అన్నదే సిలబస్‌గా ఉంది. ఎనిమిది, తొమ్మిది, పది తరగతుల పిల్లల పుస్తకాలలో ఈ పాఠాలు ఉన్నాయి. యూదులని నాశనం చేయాలి అని, హొమో సెక్సువల్స్ సమాజానికి హాని కరం కాబట్టి వారిని నాశనం చేయాలి అని ఈ పాఠాల సారాంశం.

ఇది ఆ పుస్తకంలో ఒక పేజి

చిన్నప్పటి నుండి ఇలా పాఠాలు చెప్తూ ఉంటే టెర్రరిస్టులు తయారు కాకుండా ఉంటారా అని వీటిని చూసిన వారు వాపోతున్నారు. యూదులు, స్వలింగ సంపర్కులనే కాకుండా ఆడవారి మీద కూడా ఈ పుస్తకాలలో తక్కువగా చూపిస్తున్నారు. ఆడవారు బలహీనులు, బాధ్యత లేని వారు అని వీటిలో ఉంటుంది.

యూదులతో యుద్ధం చేసి వారిని సమూలంగా నాశనం చేయడమే ప్రతి ఒక్కరి బాధ్యత అన్నది ఈ పాఠాలలో ముఖ్యమైన పాయింట్.

ఓహో మేఘ మాలా......(మేఘ మాల ఫోటోలు)

2011-12-23T09:55:00.000+05:30

మేఘాలలో చాలా రకలున్నాయి. వాతావరణంలో తేమ, గాలి వేగం ఆధారంగా ఈ మేఘాల రంగు, ఆకారాన్ని బట్టి వాటికి పేర్లు పెడతారు. ఆ మధ్య రాజ శేఖర్ రెడ్డి హెలికాప్టర్ ప్రమాదం జరిగినప్పుడు క్యుములో నింబస్ మేఘాలు అన్న పదం పాపులర్ అయింది.

కటకం(lerns) ఆకారంలో ఉండే మేఘాలని lenticular clouds అంటారు. గాలి పర్వత శ్రేణుల మీదుగా ప్రయాణం చేసే సమయంలో ఈ మేఘాలు ఏర్పడుతాయి. ఈ మేఘాలనే చాలా సార్లు ఫ్లయింగ్ సాసర్లు (UFO) లుగా భ్రమ పడుతుంటారు.

ఇంగ్లండ్ లోని యార్క్‌షైర్‌లో BBC ఫోటోగ్రాఫర్ కెమెరాకి దొరికిన కొన్ని లెంటిక్యులర్ మేఘాల ఫోటోలివి.