కేసీఆర్ ప్రత్యేక రాష్ట్రం సెంటిమెంటుని అంత బలంగా రెచ్చగొట్టగలుగుతున్నాడంటే దానికి అసలు కారణం సీమాంధ్ర వాసులు చేస్తున్న దోపిడీ అందరికీ కనపడేలా చేయగలగడమే. శ్రీకృష్ణ కమిటీ ముందు కానీ, ప్రతిరోజూ టీవీ చానళ్ళ చర్చా వేదికలలో గానీ ఈ దోపిడీ అనేది పూర్తిగా అవాస్తవమని లగడపాటి, శ్రీనివాస్ లాంటి వాళ్ళు ఎంతమంది గణాంకాలు వల్లె వేసినా కళ్ళ ముందు కనిపిస్తున్న వాస్తవాన్ని తుడిచివేయలేక పోతున్నారు. తమ ఉద్యోగాలు, వనరులూ తమకి దక్కకుండా పోతున్నాయన్న భావన బలంగా ఉండబట్టే చదువుకోని వాళ్ళు, ఉద్యోగస్తులూ, విద్యార్ధులు, నిరుద్యోగులూ అంత భారీ సంఖ్యలో ఉద్యమంలో పాల్గొంటున్నారు.
ముఖ్యంగా హైదరాబాద్, దాని చుట్టు పక్కలా పెద్ద పెద్ద మాల్స్, ఫైవ్ స్టార్ హోటల్స్, హాస్పిటల్స్, షాపింగ్ కాంప్లెక్సులూ, వ్యాపార సముదాయాలూ, ఖాళీ స్థలాలూ అన్నీ బయట వారి అధీనంలో ఉండడం కళ్ళారా చూసిన వారిని దోపిడీ కారణం చూపి రెచ్చగొట్టడం చాలా సులభం. కంటికెదురుగా కనిపిస్తున్న ఈ వాస్తవాన్ని ఎన్ని గణాంకాలు అయినా కప్పిపెట్టలేవు.
అసలు ప్రశ్న ఏమిటంటే, రేపో ఎల్లుండో ప్రత్యేక రాష్ట్రం వస్తే ఈ దోపిడీ అంతమౌతుందా? అంతమౌతుందన్న నమ్మకంతోనే సాధారణ ప్రజలు ఉద్యమంలో పాల్గొంటున్నారు. నాయకులు ఉద్యమంలో పాలు పంచుకోవడానికి అసలు కారణం ప్రత్యేక రాష్రం వస్తే పదవులు దక్కుతాయన్న ఆశ, కానీ మామూలు జనం మాత్రం రేపు తమకో, తమ పిల్లలకో ఉద్యోగ, వ్యాపార అవకాశాలు మెరుగు పడతాయనో, ఉండడానికో, దున్నడానికో ఇంత భూమొ దొరుకుతుందనో ఆశతో ఉన్నారు. అయితే స్వాతంత్ర్యం వచ్చాక దేశంలో దోపిడీ అంతమై, స్వర్ణ భారతం ఏమాత్రం వచ్చిందో ఒకసారి వెనుదిరిగి చూస్తే, రేపు తెలంగాణ వచ్చాక ఈ సామాన్యుల బతుకులు ఎంతమాత్రం బాగుపడతాయో తెలుస్తుంది.
మాకొద్దీ తెల్లదొరతనం అని ఎలుగెత్తిన వాళ్ళే స్వరాజ్యం వచ్చాక మాకొద్దీ నల్ల దొరతనం అని గొంతెత్తారు. పాలకుల రంగు మారింది కానీ స్వాతంత్ర్యం మరే దాన్నీ మార్చలేకపోయింది. అదే దోపిడీ, అదే దొరతనం, అదే దాష్టీకం అలాగే కొనసాగాయి. తెల్లదొర లాఠీతో కొట్తిస్తే దెబ్బ తగిలినట్టే, నల్లోడు కొట్టినా అలాగె తగిలెది మనోడు కొట్టినప్పుడు సమ్మగా ఏమీ ఉండేది కాదు.
రేపు తెలంగాణా వచ్చినా ఈ దొరతనం, దోపిడీ అలాగే ఉంటాయి. ఎక్కడికీ పోవు. ఎకరాల కొద్దీ ఆక్రమించుకున్న దొరలు వాళ్ళు తెలంగాణా వాళ్ళయినా, సీమాంధ్ర వాళ్ళయినా తమ భూమిని భూమి లేని వారికి పంచేదేమీ ఉండదు. ఒక తేడా ఏమంటే అక్కడక్కడా మిగిలి ఉన్న భూమి, పుట్రా ఇప్పుడు తెలంగాణా దొరలు ఆక్రమించుకుంటారు. సీమాంధ్ర నుండి వచ్చిన సో కాల్‌డ్ దోపిడీ దారులు తమ తెలంగాణా ప్రభువులకి కప్పమో, ముడుపులో చెల్లించి తమ మునుపటి దోపిడీ కార్యక్రమాన్ని యధాతధంగా కొనసాగిస్తారు.
అసలు దోపిడీకి ప్రాంతానికీ సంబంధం ఏమీ లేదు. అది వ్యవస్థ మీద ఆధారపడి ఉంది. ఆమాటకొస్తే ఏ వ్యవస్థలో కుద దోపిడీ రహిత సమాజం ఉంటుందనుకోవడం అత్యాశే. కమ్యూనిస్టు, సోషలిస్టు సమాజాలు కూడా దోపిడీ రహితంగా ఉండలేకపోయాయి. అందుకే తూర్పు యూరోప్‌లో ఒక్కో కమ్యూనిస్టు కంచుకోట పేకమేడలా కూలిపోయింది.
కాబట్టి ప్రత్యేక రాష్ట్రమైనా, సమైక్య రాష్ట్రమైనా దోపిడీ చేయబడేవాడు అలాగే ఉంటాడు. వాడి పరిస్థితిలో మార్పేమీ ఉండదు. కాకపోతే దోపిడీ చేసేవాడు మారుతాడంతే. ఆంధ్రావాళ్ళు కాకుండా తెలంగాణా వాళ్ళు చేసే దోపిడీ సమ్మగా ఉంటుంది అనుకొంటే అది వేరే సంగతి.
దొరలు మారుతారేమో గానీ దోపిడీ మారదు. దోపిడీ విధానాలూ మారవు. Life goes on. As usually.
ట్లోనే తుంచేయక పోతే అది అరాచకత్వానికి దారితీసి మొదటికే మోసం తెచ్చే ప్రమాదం ఉంది. తస్మాత్ జాగ్రత్త కేసీఆర్ అండ్ కంపెనీ!