లక్షన్నర కోట్లు సంపాదించడానికి నాలుగు మార్గాలు

లక్షన్నర కోట్లు అంటే అందులో ఎన్ని సున్నాలున్నాయో చెప్పడం కూడా కొంచెం కష్టమే,లెక్కల్లో నిష్ణాతులైతే తప్ప. అయితే ఈ మధ్య ఈ సంఖ్య చాలా తరచుగా వినిపిస్తోంది. ఇంత పెద్ద మొత్తం ఈ మధ్య తరచుగా వినిపిస్తోంది. మామూలు మానవుడికి ఊహకి సైతం అందని ఇంత పెద్ద మొత్తాన్ని సంపాదించడం ఎలా అన్నదే ఈ పోస్టు టాపిక్

.1. తండ్రి కష్టపడి, కొండొకచో అడ్డ దారులు తొక్కి, అవసరమైన వారిని లంచం తోనో, బెదిరింపులతోనో లొంగదీసుకొని, మరీ అవసరమైతే ప్రత్యర్ధులని భయపెట్టడానికి మాఫియా అండ తీసుకొని మూడు నాలుగు దశాబ్ధాలు శ్రమించి ఒక వ్యాపార సామ్రాజ్యాన్ని నిర్మిస్తే, ఆయన వారసులు అదే దారిలో అంతే సామర్ధ్యంతో ఆ సామ్రాజ్యాన్ని నడిపిస్తే లక్షన్నర కోట్లకి అధిపతి కావచ్చు. ఉదా:ముఖేష్ అంబానీ

2. ప్రభుత్వంలో మంచి గిట్టుబాటు ఉన్న శాఖకి మంత్రి అయితే, సంకీర్ణ ధర్మం పుణ్యమా అని ఆ మంత్రిని గట్టిగా అదిలించడానిక్కూడా ప్రభుత్వాధినేతలు భయపడే స్థితిలో ఉంటే, దాన్ని ఆసరాగా చూసుకొని వాటంగా మాంఛి స్కాము చేసిపారేస్తే ఈ మొత్తాన్ని ఒకటో రెండో సంవత్సరాలలో నొక్కేయొచ్చు. ఉదా: స్పెక్ట్రమ్ రాజా.

3. తండ్రి ఒక రాష్ట్రానికి ముఖ్యమంత్రి అయితే ఆ పదవిని అడ్డుపెట్టుకొని అడ్డగోలుగా కావలసిన వాళ్ళకి భూములు పందేరం చేసి, వాళ్ళ చేత తన వ్యాపారాలలో పెట్టుబడులు పెట్టించి తన కంపెనీల షేర్ విలువని ఆకాశానికి పెంచి, వాటిని అమ్మి అమాంతం లక్షన్నర కోట్లీశ్వరుడై పోవచ్చు. ఉదా: జగన్ మోహన్ రెడ్డి.

4. అల్లరి చిల్లరగా తిరుగుతూ, ఎందుకూ పనికి రాడని అనిపించుకొని ఒక సుముహూర్తాన కాషాయం ధరించి బాబా అవతారమెత్తి, కనికట్టు, గారడీ విద్యలతో భక్తులను ఆకర్షించి, ఆశ్రమాలు కట్టి ఒక జీవిత కాలంలో దీన్ని సాధించవచ్చు. ఉదా: భగవాన్ శ్రీ సత్య సాయి బాబా.

వీళ్ళు కాకుండా ఈ లిస్టులో నారా చంద్ర బాబు నాయుడుని, కే సీ ఆర్ ని కూడా చేర్చ వచ్చు అని నా ఉద్ధేశ్యం. కాకపోతే బాబుని ఎంత మంది విమర్శించినా రెండెకరాల అసామీ పాతిక వేల కోట్లు ఎలా సంపాదించగలిగాడు అని విమర్శిస్తారే గానీ ఎవరూ లక్షా యాభయి వేల కోట్లు అన్న ఫిగర్ వాడలేదు కాబట్టి ఈ లిస్టులో ఎక్కించలేదు. ఇక తెలంగాణా ఉద్యమం ఊపందుకున్నాక కేసీఆర్ అండ్ ఫ్యామిలీ తమ స్థిర చరాస్తుల విలువ లక్షన్నర కోట్లు దాటించి ఉంటారని నాకనిపించినా తగిన ఆధారాల్లేవు కాబట్టి మినహాయించాల్సి వచ్చింది.

ఈ లిస్టులో ముఖేష్ అంబానీ, సాయి బాబాలె తమ దగ్గరున్న డబ్బుతో నలుగురికీ కొంచెం ఉపయోగపడే పనులు చేశారేమోననిపిస్తుంది.

టెక్నోక్రాట్ సార్లూ! కొంచెం హెల్ప్ చేయండి ప్లీజ్!

IT గురించి కంప్యూటర్ల గురించి నాకంతగా తెలియదు. బ్లాగ్ ఓపెన్ చేయడం, బరహాలో తెలుగులో రాసిన పోస్టుని copy and paste చేయడం, నచ్చిన సైట్‌లు ఓపెన్ చేసి చూడడం మినహా పెద్దగా తెలియదు. కాల క్రమేణా you tube గట్రాల గురించి తెలుసుకున్నాను.  డెస్క్‌టాప్ నుంచి లాప్‌టాప్ కి వచ్చాక ఇప్పుడు నా చేతికి Dell Streak mobile వచ్చింది.

దానిలో అన్ని ఇంటర్నెట్ పనులు అవుతున్నాయి కానీ, తెలుగు బ్లాగులు చూడ్డానికి వీలు పడడం లేదు. లోగడ మొబై‍ల్‌లో తెలుగు సైట్‌లు చూడవచ్చని ఇక్కడే ఒక పోస్టు చదివాను. దాని కోసం వెదికితే దొరకలేదు. ఈ ఫోరమ్‌లో చాలామంది కంప్యూటర్ నిపుణులు ఉన్నారు కదా. నాకు కొంచెం హెల్ప్ చేయడి. 

ముగ్గురు సాయి బాబాలు; మరి నాలుగో ఆయన ఎప్పుడొస్తాడో, ఎలా ఉంటాడో?

ఇది ముగ్గురు సాయి బాబాల కథ. రెండు శతాబ్ధాల కాలంలో వేద భూమిగా పిలవబడే భారత దేశంలో జరిగిన జరుగుతున్న కథ. 


మొదటి బాబా శిర్దీలో వెలసి, ఎలాంటి బిరుదులూ లేకుండా, కేవలం తన ఊరి పేరుతోనే శిర్దీ సాయి బాబాగా పిలవబడే ఒక నిరాడంబర సన్యాసి. ఆయన తనకి మహిమలున్నాయని చెప్పుకోలేదు. ఆయన వల్ల తమ కష్టాలు, రోగాలు రొష్టులూ తగ్గాయని నమ్మిన జనమే ఆయన్ని దేవుడిని చేశారు, ఆరాధించారు. ఆయన గాలిలోంచి విభూది పుట్టించలేదు, శూన్యంలోంచి ఉంగరాలు, నోట్లోంచి లింగాలూ తీయలేదు. Miracles are my visiting cards అని మార్కెటింగ్ చేసుకోలేదు. నిరాడంబరంగా జీవించి అలానే మరణించాడు. ఆయన చనిపోయాక ఆయన కోసం ఆయన భక్తులు పాలరాతి మందిరాలు, విలాసవంతమైన గుళ్ళూ,గోపురాలు కట్టారు అంతే.
 
ఇక బాబా నంబర్ టూ మన రాష్ట్రంలోనే పుట్టపర్తిలో ఉన్న సత్య సాయి. ఈయన మొదట్లో పాపం డబ్బులూ, కానుకలు ఇచ్చే భక్తులు లేక సింపుల్‌గా ఇన్నింగ్స్ మొదలు పెట్టినా అవి సమకూరేకొద్దీ లావిష్ స్వామీజీ అయ్యాడు. ఈయన చేయి గాల్లో తిప్పితే విభూధి పుట్టేది. శూన్యంలోంచి ఉంగరాలు. బంగారు గొలుసులూ, వాచీలూ పుట్టుకొచ్చేవి.
 


 కొంతమంది దుర్మార్గులు, రాక్షస అంశతో భూమ్మీద పుట్టిన వాళ్లు స్లో మోషన్ కెమెరాలతో వీడియో తీసి అదంతా చీప్ ట్రిక్ అని తేల్చినా స్వామి వారి ప్రభ ఏమాత్రం తగ్గ లేదు. అయితే ఈ స్వామి వారి మీద ఎన్నో అపవాదులు, నీలాపనిందలు, ఆరోపణలు వచ్చినా ఏవి కూడా నిరూపణ కాలేదు. అయినా ఈ దేశంలో స్వామీజీలను శిక్షించే ధైర్యం ఎవరికి ఉంటుంది?


ఇక నంబర్ త్రీ బాల సాయిబాబా.  ఈయన కూడా పెద్ద సాయి లాగానే విభూధి, ఉంగారాలు, గొలుసులు, వాచీలు, శివరాత్రి నాడు నోట్లోంచి లింగాలు తీసి ఫక్టు డూప్లికేటు అనిపించుకున్నా ఈయనకి కూడా మంచి మార్కెట్ తయారయింది. భూ ఆక్రమణలూ, చెక్ బౌన్స్ ఇత్యాది ఆరోపణలెన్ని ఉన్నా, కోర్టు మెట్లెక్కి నిందితుడు అనిపించుకున్నా స్వామి వారి ప్రభ ఏమాత్రం తగ్గలేదు. మేడ్ ఇన్ చైనా డూప్లికేటు వస్తువులకు మార్కెట్లో మంచి గిరాకీ ఉన్నట్లే, డూప్లికేటు స్వామీజీలకి కూడా మార్కెట్ ఉంటుందని నిరూపించిన మార్కెటింగ్ మాంత్రికుడీయన.
 ఇక సత్యసాయి సెలవు తీసుకొనే క్రమంలో ఉన్నందున ఆయన స్థానాన్ని భర్తీ చేయడానికి మరొక స్వామి తెర పైకి రావలసిన అవసరం ఎంతైనా ఉంది. జుట్టు పెంచుకొని, కాషాయం గుడ్డలేసుకొని, బుల్లి సాయిబాబా అని పేరు పెట్టుకొని ఓ నాలుగు వేదాంతం ముక్కలు చెప్పగలిగిన వారికి ఎమ్తైనా డిమాండ్ ఉంటుంది. చూద్దాం.

బాబాల, స్వాముల అసలు స్వరూపం ఇప్పటికైనా జనం తెలుసుకొంటారా?

పుట్టపర్తి సత్య సాయి బాబా గారికి విమర్శకులెంతమంది ఉన్నారో, అంతకు అనేక రెట్లు వీర భక్తులు, అభిమానులూ ఉన్నారు. స్వామి వారు దైవ స్వరూపులని నమ్మే వాళ్ళు కొందరయితే, ఆయన సాక్షాత్తూ దైవమే అని విశ్వసించే కేటగిరీ మరోటి ఉంది. అయితే అంత దైవాన్ని చుట్టుముట్టి ఆయనకి అత్యంత సమీపంలో ఉండే వాళ్ళకి ఈ నమ్మకాలేమీ ఉన్నట్టు కనిపించడం లేదు.

    
ఆయన్ని ICUలో పెట్టి ఆయన బంధువులనీ, భక్తులనీ కనీసం చూపుకు కూడా నోచుకోకుండా చేయడం, ఒక పక్క ఆయన మృత్యువుతో పోరాడుతుంటే వీళ్ళు బంగారాన్ని ట్రక్కులలో ఆశ్రమం నుండి తరలించడం, చెక్ పవర్ కోసం తమలో తాము గొడవ పడడం ఇవన్నీ చూస్తుంటే వీళ్ళకి ఆ దేవుడో, లేక దేవుడి రూపమో అయిన వ్యక్తి పట్ల భయ, భక్తులు అటుంచి కనీస గౌరవం కూడా లేదేమోనని నా బోంట్లకి అనిపిస్తుంది. ఇదే విషయాన్ని బయటకి చెబితే నాస్తికుడు, హిందూ మతాన్ని నాశనం చేయడానికి కంకణం కట్టుకున్న హేటు వాదులు అని ముద్రవేస్తారు.




కానీ హిందూ మతం మీద నిజమైన అభిమానం ఉన్నవాళ్ళు ఈ బాబాలు, స్వామీజీల వెంటపడడం మానివేసి సర్వవ్యాపితుడు , సర్వ శక్తిసంపన్నుడూ, అది అంత రహితుడూ అయిన సనాతన దైవాన్ని మాత్రమే నమ్మి, ఆ దైవాన్నే ఆరాధించడం మొదలు పెట్టాలని నా కోరిక. అయినా మనకేం తక్కువ? మనకి మూడు కోట్ల మంది దేవుళ్ళుండగా?

బాబా కూడా భీష్ముడే(ఒక విధంగా)!

శంతనుడుకి గంగ తనని వదిలి పోయిన చాలా రోజులకి పెళ్ళిమీదికి మనసుపోయింది సత్యవతిని చూశాక. కానీ ఆమె తండ్రి ఆమెని అతనికిచ్చి పెళ్ళి చేయడానికి ఒప్పుకోలేదు ఏ నాటికైనా శంతనుడి మొదటి పుత్రుడైన దేవవ్రతుడికే రాజ్యం దక్కుతుంది సత్యవతి సంతానానికి కాదు అని. తండ్రి కోసం సింహాసనం పైన తన హక్కుని వదులుకోవడానికి దేవవ్రతుడు సిద్ధపడ్డా సత్యవతి తండ్రి మరొక మెలిక పెట్టాడు. రేపు దేవవ్రతుడి సంతానం అధికారం కోసం పట్టుబట్టరని నమ్మకమేమిటీ అని ఆయన ప్రశ్న. దాంతో తండ్రికోసం జీవితాంతం ఘోటక బ్రహ్మచారిగా ఉండిపోతానని భీష్మ ప్రతిగ్న చేసి దేవవ్రతుడు భీష్ముడయ్యాడు.
  
అందుకు సంతసించిన శంతనుడు కొడుక్కి ఇచ్చామరణాన్ని ప్రసాదించాడు. ఆయన కోరుకున్నప్పుడు మాత్రమే మరణం ఆయనను సమీపించగలదు. అంచేతనే మహాభారత యుద్ధంలో అర్జునుడి బాణాన్ని ఆహ్వానించి నేలకొరిగినా దక్షిణాయనం ప్రవేశించేదాకా అంపశయ్యమీద పరుండినాడు ఆ భీష్ముడు.
  
మహాభారతంలోని ఆ మహా పురుషుడిని ఈనాడు మనందరికీ తలపుకు తెస్తున్నాడు పుట్టపర్తి సత్య సాయిబాబా. అయితే భీష్ముడు తను ఇష్టపడ్డదాకా జీవాన్ని తనలో నిలుపుకుంటే ఈ అభినవ భీష్ముడు యంత్రాల సాయంతో బతికున్నాడో లేదో తెలియకుండా ICU లో బెడ్ మీద గడుపుతున్నాడు. ఆయన చుట్టూ చేరిన ట్రస్టు సభ్యులు ఇష్టపడ్డదాకా మరణం ఈయనని సమీపించదు. 
   


ఆనాడు దేవవ్రతుడికి శంతనుడు ఇచ్చామరణాన్ని ప్రసాదిస్తే, బాబాగారికి ట్రస్టు కనుసన్నలలో మెలుగుతున్న డాక్టర్ సఫాయా ఈ వరాన్ని ఇస్తున్నాడు. ప్రశాంతి నిలయంలోంచి బంగారాన్ని తరలించడం మొదలయ్యిందని మీడియా బట్టబయలు చేసింది కాబట్టి ఈ ICU డ్రామాకి త్వరలోనే తెరపడనున్నదని అనిపిస్తూంది

అంటరాని వాళ్ళని అంటరాని వాళ్ళగానే చూడాలి

ప్రపంచ కప్ సెమీ ఫైనల్ మ్యాచ్ తరువాత డిప్లొమాటిక్‌గా మాట్లాడి అందరినీ ఆశ్చర్యంలో ముంచెత్తిన షాహిద్ ఆఫ్రిదీ పాకిస్తాన్‌కి పోగానే తను తగిలించుకున్న ముసుగుని తొలగించి భారత జట్టు మీద , భారత మీడియా మీద, గౌతమ్ గంభీర్ మీద విషం కక్కి తన అసలు రూపాన్ని ప్రదర్శించాడు. అయితే ఇంతలో IPL మొదలు కావడం అందులో తమ దేశానికి చెందిన ఆటగాళ్ళెవరూ లేక పోవడం చూసి కడుపులో మంట రేగి జరిగిన నష్టాన్ని తగ్గించే ప్రయత్నాలు మొదలు పెట్టాడు.
 
2008 లో జరిగిన IPL-1 లో ఆఫ్రిదీని డెక్కన్ చార్జర్స్ జట్టు 675,00 డాలర్లు పోసి కొనుక్కుంది. ఆ సంవత్సరం మరొక పది మంది పాక్ ఆటగాళ్ళు IPL లో ఆడడం ద్వారా బాగానే డబ్బు సంపయింఛారు. అయితే ముంబాయి దాడుల తరువాత జనంలో వ్యతిరేకత వస్తుందేమోనన్న భయంతో పాక్ ఆటగాళ్ళని ఆడించడానికి అన్ని ఫ్రాంచైజీలు భయపడ్డాయి. 
 
రెండవ రౌండ్ వేలంలో వీళ్ళు ఉన్నప్పటికీ ఒక్క జట్టు కూడా వీళ్ళ కోసం బిడ్ చేయలేదు. ఇది అన్యాయమని షారుఖ్ ఖాన్ ఒక స్టేట్‌మెంట్ ఇవ్వగానే శివసేన విరుచుకు పడడంతో షారుఖ్ సైలెంటయి పోయాడు. IPL లో ఆడి సంపాయించిన డబ్బు గుర్తొచ్చిందేమో ఇప్పుడు ఆఫ్రిదీ మమ్మల్ని అంటరాని వారిగా చూడొద్దు. మమ్మల్ని కూడా IPL లో ఆడించండి అని ప్రాధేయపడుతున్నాడు. 


కానీ వీళ్ళని అంటరాని వాళ్ళగా చూడకుండా ఎలా ఉండాలో నాకర్ధం కావడం లేదు. ఆనాడు వాజ్‌పేయి లాహోర్‌కి బస్సు యాత్ర చేసినందుకు ప్రతిఫలంగా కార్గిల్‌ని కానుకగా ఇచ్చారు. మళ్ళీ కొన్నాళ్ళకి ఆ గాయాలు మర్చిపోయి పొన్లే పాపం ఎంతైనా మన దాయాదులు కదా అనే స్థితికి వచ్చేలోపే ముంబయి దాడులతో మళ్ళీ తమ నైజం చాటుకున్నారు. క్రీడలు, రాజకీయాలు వేరు వేరు అని ఎవరైనా వాదించవచ్చు. వీళ్ళూ ఆ తానులో ముక్కలే కదా?


పోనీ వీళ్ళు ఆ క్రీడనైనా సక్రమంగా ఆడుతారా అంటే అదీ లేదు. బాల్ ట్యాంపరింగ్ దగ్గర్నుండీ మ్యాచ్ ఫిక్సింగ్ వరకూ అన్ని అవలక్షణాలు ఉన్నాయాయె. సాక్షాత్తూ ఆ దేశానికి చెందిన క్రీడల మంత్రే, బాబ్బాబూ, మ్యాచ్ ఫిక్సింగ్ చేయకుండా ఆట మీద దృష్టి పెట్టండి అని వీళ్ళని అడుక్కొనే దశకి వచ్చాడంటే ఈ వీరుల క్రెడిబిలిటీ ఎంత మాత్రమో తెలిసి పోవట్లేదూ?
 
 
కాబట్టి ఆఫ్రిదీ భయ్యా, మేమే కాదు, మరి కొన్నేళ్ళ పాటు మిమ్మల్ని క్రికెట్ ప్రపంచం మొత్తం అంటరాని వాళ్ళగానే చూస్తుంది. అందులో తప్పేమీ లేదు.