మన రాష్ట్రం నుండి ఎంతమందిని తీహార్ జైల్లో పెట్టొచ్చు?

అవినీతిపైన పోరాటం ఇప్పుడు తీవ్రమౌతుంది. ఆ తీవ్రతకు అధికార పీఠాలు కదుల్తున్నాయి. కల్మాడీ, రాజా, కనిమోళి, ఇంకెందరో ఇప్పుడు తీహార్‌లో ఊచలు లెక్కపెడుతున్నారు. అన్నా హజారే దీక్షకు దిగితే ప్రభుత్వం దిగి వచ్చింది. రేపు ఢిల్లీ రామ్ లీలా మైదానంలొ నిరాహార దీక్ష చేస్తానని రామ్‌దేవ్ బాబా ప్రకటిస్తే ఆయనను దీక్ష చేయవద్దని మీసాలు, గడ్డాలు పట్తుకొని బతిమలాడుకుంటున్నారు మంత్రివర్యులు. 


 
అవినీతి అంశమ్మీదే తమిళనాడులో కరుణానిధిని మూల కూర్చోబెట్టారు. ఇదే గతి తమకీ పడుతుందని భయపడి కర్ణాటకలో అధికారంలో ఉన్న బీజేపీ అవినీతికి, దొంగచాటు మైనింగ్‌కీ రాజాధిరాజులైన బెళ్ళారి రెడ్డి బ్రదర్స్‌ని దూరంగా పెట్టాలని చూస్తున్నారు. అసలు వాళ్ళు మంత్రివర్గంలోకి ఎలా వచ్చారో నాకు తెలియదంటే నాకు తెలియదని అందరూ తప్పించుకొంటున్నారు. చివరికి వాళ్ళకి ఆరాధ్యదైవమైన సుష్మా స్వరాజ్ కూడా అబ్బే వాళ్ళు అసలు మా పార్టీలో ఉన్న విషయమే నాకు తెలియదు అనేదాకా వచ్చింది.




ఈ అవినీతిపైన పోరాటం మన రాష్ట్రానికి కూడా పాకి మన వాళ్ళని కూడా ఒక దెబ్బేస్తే మన రాష్ట్రం నుంచి తీహార్‌కి వలస కట్టే వాళ్ళెవరో చూద్దాం.


నాకైతే ఆ లిస్టులో మొదటగా కనిపించేది జగన్ మోహన్ రెడ్డి. ఇక్కడ లక్షా యాభై వేల కోట్ల రూపాయలు అని ప్రతిపక్షాల గోల చూసి కాకుండా గాలి బ్రదర్స్‌తో యువ నేత గారికున్న అత్యంత సన్నిహిత బంధాన్ని చూసి సారు తీహార్ బాటపట్టే మొదటి వ్యక్తి అని నా నమ్మకం. ఇక సాక్షిలో, ఆయన సిమెంటు కంపెనీల్లో, పవర్ ప్లాంట్లలో బినామీ పెట్టుబడులు అన్నీ ఇన్నీ కావు కదా. ఆర్ధిక శాస్త్రం అసలు తెలియని నా బోటి వారికి కూడా కొంత నాలెడ్జి కలిగించే ఆ కుంభకోణాల బాగోతం చూసాక తీహారే జగన్‌కి సరయిన స్థానం అని అనిపించకుండా ఉంటుందా.


   
 తరువాత స్థానంలో తొమ్మిదేళ్ళు ముఖ్యమంత్రిగా పని చేసిన చంద్ర బాబు నాయుడు ఉంటారని నా అంచనా. ఆయన పాలనలో ఎన్ని ఆరోపణలు, భూ సంతర్పణలు, కుంభకోణాలు. ఇన్ని ఉన్నాక తీహార్‌కి వెళ్ళకుండా ఆపడం సాధ్యమా. మూడవ స్థానంలో తెలంగాణా పేరు చెప్పి ఎక్కడ పడితే అక్కడ దండుకున్న కేసీఆర్ ఫామిలీ ఉంటుందని నా నమ్మకం. 


ఈ ముగ్గుర్నీ తీహార్‌కి పంపేస్తే రాష్ట్రం కొంచెం కుదుట పడుతుందేమో?