నచ్చిన వాళ్ళకి పూలదండలు, నచ్చని వాళ్ళకి చెప్పుదెబ్బలు పడుతుంటాయి ఇక్కడ. మీకు ఇష్టమైన వాళ్ళకి చెప్పుదెబ్బలు పడినప్పుడు తిట్టుకోకుండా చదవండి. NOTHING IS PERSONAL HERE. ALL IN THE GAME,er,BLOG.

Search This Blog

Sunday, January 9, 2011

తలకోనలోని ఒసేయ్ రాములమ్మా హోటలూ, దాని కథ.

తలకోనలో వాటర్‌ఫాల్‌కి వెళ్ళే దారి మొదట్లో కొంచెం ఎడమ వైపుగా ఒక చిన్న హోటల్, అంతకన్నా బంకు అంటే సరిగ్గా సరిపోతుంది, ఉంటుంది. దాని మీద ఉన్న బోర్డు ప్రకారం దాని పేరు "ఒసేయ్ రాములమ్మా హోటల్". ఆర్డర్ మీద భోజనం తయారు అని, నాటుకోడి స్పెషల్ అనీ మరికొన్ని వివరాలు ఉన్నాయి. కానీ నాలో ఉత్సుకత కలిగించిందేమిటంటే వీటికి కిందగా మరొక చిన్న లైన్ ఉంది, "సినీ రాములమ్మ మదర్-శాంతమ్మ" అని.




అప్పటికే మేము AP టూరిజం వాళ్ళ కాటేజీలో భోజనం ఆర్డర్ చేశాం కాబట్టి సినీ రాములమ్మ తల్లి చేతి నాటుకోడి రుచి చూడలేకపోయాం కానీ ఆ బోర్డు వెనకాల కథా కమామీషు తెలుసుకోవాలని మాకు భోజనం తెచ్చిన వాడినడిగాను దాని గురించి.


అతడు చెప్పిన దాని బట్టి విషయమేమిటంటే, ఒసేయ్ రాములమ్మ సినిమా కొంత భాగం షూటింగ్ తలకోనలో జరిగింది. అందులో విజయశాంతి చిన్న నాటి పాత్రని ఈ హోటల్ నడుపుకొనే శాంతమ్మ అనే ఆమె కూతురు పోషించింది. ఆ అమ్మాయి నటనకి మెచ్చిన విజయ శాంతి ఆమెని తనతో హైదరాబాద్ తీసుకెళ్ళి మరికొన్ని సినిమా అవకాశాలిప్పించింది. కొన్నాళ్ళకి వాళ్ళీద్దరికి పొరపొచ్చాలొచ్చాయి. దానితో ఆ అమ్మాయి విజయశాంతి నుండి విడిపోయి, తరువాత ఒక సినిమా వ్యక్తితో ప్రేమలో పడి, అతన్ని పెళ్ళి చేసుకుని తిరుపతిలో సెటిలై హాయిగా జీవిస్తోంది. 


తన కూతురు ఒసేయ్ రాములమ్మా సినిమాలో నటించిందన్న విషయాన్ని తన హోటల్ పబ్లిసిటీకి వాడుకోవచ్చునన్న సంగతి తెలుసుకున్న శాంతమ్మ ఆ పేరుతో బోర్డు చేయించి అలా తగిలించిందన్న మాట. 

3 comments:

Rajendra Devarapalli said...

super idea,nice post

Ravi said...

అవును. నాక్కూడా తెలుసు. ఒసేయ్ రాములమ్మా షూటింగ్ అక్కడ జరుగుతున్నప్పుడు సదరు శాంతమ్మ కూతురు అక్కడ జామకాయలు అమ్ముకునేది. ఆమెను చూసిన దాసరి మిగతా వాళ్ళు విజయశాంతి చిన్నప్పటి పాత్రకు చక్కగా సరిపోతుందని తీసుకున్నారు.

KRISHNA'S చెప్పు దెబ్బలు-పూలదండలు said...

Thanks for the info.