Motor mouth అని రాఖీ సావంత్‌కి ముద్దు పేరు. అయితే మన రాష్ట్రంలో ఈ పేరు పెట్టాలంటే అంబటి రాంబాబుని మించిన వాడు లేడు. ఏ టాపిక్ అయినా బండ గొంతు వేసుకొని రెచ్చి పోతూ ఉంటాడు. అందుకే అన్ని చానళ్ళూ తమ డిస్కషన్ ప్రోగ్రామ్స్‌‍కి ఈయన్ని పిలుస్తూ ఉంటారు. జగన్ కూడా ఈ టాలెంట్ చూసే ఏమో ఈయన్ని అధికార ప్రతినిధిగా పెట్టుకున్నారు.
రాంబాబు అంత కాకపోయినా ఆ లెవెల్‌లో బండ గొంతు ఆంధ్రజ్యోతి రాధాకృష్ణది. వాల్యూమ్‌లో రాంబాబుతో సమ ఉజ్జీ కాకపోయినా చెత్త వాగుడులో అంబటికి ఈయన ఏమాత్రం తీసిపోడు. ఆ సంగతి ఈయన నిర్వహిస్తున్న యంగిస్తాన్, ఓపెన్ హార్ట్ ప్రోగ్రాములు ఒక ఎపిసోడ్ చూసినా అర్ధమవుతుంది. ఇప్పుడు ఈ రెండు మోటార్ మౌత్‌లు ఒకదానితో ఒకటి తలపడుతున్నాయి. అంబటి రాంబాబు రాసలీలల ప్రోగ్రామ్ ఏబీఎన్ వాళ్ళు టెలికాస్ట్ చేయడంతో రసవత్తరమైన ఈ సమ ఉజ్జీల పోటీ చూసే భాగ్యం దక్కింది.
రాధాకృష్ణ గారిది కూడా ఏమంత గొప్ప చరిత్ర కాదని అంబటి సాక్ష్యాలు సేకరించినట్లు ఆదివారం సాక్షిలో వచ్చిన ఆయన స్టేట్‌మెంట్ చూస్తే అర్ధమవుతుంది. ఇప్పుడు ఈ ఇద్దరు ఒకరి బతుకుని ఒకరు బజారుకీడ్చుకొని రచ్చకెక్కుతారో, లేక అంబటి నుండి తగిన ప్యాకేజీ వస్తే ఈ సెక్స్ స్కాముని అటకెక్కిస్తారో చూడాలి.
No comments:
Post a Comment