పంది మాంసం పండగ పెట్టే దమ్ముందా?

ఓ పదిహేను ఇరవై సంవత్సరాల క్రితం తిరుపతిలో అనుకుంటాను అరసం లేదా విరసం రచయితల సమ్మేళనం జరిగినప్పుడు గొడ్డు మాంసం గురించి ఇప్పుడు ఉస్మానియా యూనివర్సిటీలో జరిగినట్లుగానే చిన్నపాటి వివాదం వచ్చింది. కొందరు మాదిగ రచయితలు గొడ్డు మాంసం మా జన్మ హక్కు. అది  ఉండాల్సిందే అంటే, గొడ్డు మాంసం కావాలంటే బయట తినండి. ఇక్కడ మాత్రం ఏం పెడితే అదే తినండి అని మిగిలిన వాళ్ళు చెప్పారు. అందరూ కొంచెం వివేకం ఉన్న వారు కాబట్టి ఆ గొడవ అక్కడితో సద్దు మణిగింది.
 
అసలు గొడ్డు మాంసాన్ని అసహ్యించుకొనే చాలా మంది అగ్ర కులాల వారు కూడా పంది మాంసాన్ని తింటారు. గొడ్డు మాంసం, పంది మాంసం రెండూ తిన్న వారిలో కొంతమంది పంది మాంసమే సూపర్ అని అంటారు. ఇవి రెండే కాకుండా కుందేళ్ళనీ, దుప్పులని కూడా లొట్టలేసుకుని తింటారు చాలా మంది.

అలాంటప్పుడు రిలేటివ్‌గా ఎక్కువ మందికి ఆమోదయోగ్యమైన పంది మాంసాన్ని వండి పెట్టి పోర్క్ ఫెస్టివల్ పెట్టొచ్చుగా? పోర్క్ ఫెస్టివల్ పేరుతో ముస్లిములని కెలికే ధైర్యం లేకపోవడమే అందుకు కారణమా?

వర్మ గారూ, తారా చౌదరి కథ మీకు నచ్చలేదా

ఈ మధ్య కాలంలో వార్తల్లో బాగా నానిన మసాలా ఉన్న కేసు తారా చౌదరిది. సహజంగా ఇలాంటి విషయాలతో ఇన్‌స్పైర్ అయ్యే వారిలో రామ్ గోపాల్ వర్మ ముందు వరసలో ఉంటాడు. తన క్రియేటివిటీ మీద నమ్మకం తగ్గడం మూలాన కావచ్చు, కథలు ఆలోచించి బుర్ర పాడుచేసుకోవడం ఎందుకు పేపర్లలో, టీవీ చానళ్లలో వచ్చే వాటినే కథలుగా తీసుకొని సినిమా తీసి పారేస్తే ఓ పనయి పోతుంది కదా అన్న ఆలోచన కావచ్చు ఇలాంటి వాటిని ఆధారం చేసుకొని సినిమాలు తీస్తుంటాడు వర్మ.
 
ఆ మధ్య బొంబాయిలో ప్రియుడితో కలిసి ఒక డైరెక్టర్‌ని (నీరజ్ గ్రోవర్) హత్య చేసిన అమ్మాయి(మరియా సుసయ్‌రాజ్) కథని తెరకి ఎక్కించాడు వర్మ. ఇప్పుడు తారా  చౌదరి కేసు బయటకొచ్చి ఇన్నాళ్ళు అవుతున్నా వర్మ దగ్గరనుంచి ఈ కేసు ఆధారంగా నేను ఒక సినిమా తీయబోతున్నాను అన్న ప్రకటన ఇంకా రాకపోవడం ఆశ్చర్యంగా ఉంది.
 
తారా చౌదరి కథలో వర్మకి కావలసిన అన్ని దినుసులూ ఉన్నాయి-సెక్స్, అవినీతి పరులయిన పోలీసులూ, రాజకీయ నాయకులూ, కుట్రలూ, కుతంత్రాలు.. ఇలా తనకి పనికొచ్చే అన్ని విశయాలు ఉన్న ఈ కథని ఆయన ఎందుకు పట్టించుకొలేదో! కొంపదీసి తారా చౌదరి వద్ద వర్మ గారి సీడీ లేదు కదా?

గొడ్డు మాంసం కోసం కాదు ఎస్సీ వర్గీకరణ కోసం ఉద్యమించండి

ఎక్కడ ప్రొఫెషనల్ కాలేజీలలో చూసినా ప్రభుత్వ కార్యాలయాలలో చూసినా ఎస్సీ కేటగిరీలో సీట్లూ, ఉద్యోగాలు పొందే వారు అధిక భాగం మాలవాళ్ళే ఉంటారు. వీరితో పోటీ పడి సీట్లూ, ఉద్యోగాలూ పొందలేక మాదిగలు వెనకపడి పోతున్నారు. ఎస్సీ వర్గీకరణ అంటూ ఆ మధ్య హడావిడి చేసిన మందా కృష్ణ మాదిగ తరువాత కొన్నాళ్ళు టీఆరెస్ తో కలిసి తెలంగాణా అంటూ తిరిగాడు. ఇప్పుడు ఏం చేస్తున్నాడో తెలియదు.
 


ఎస్సీ వర్గీకరణ సాధిస్తే మాదిగలకి విద్య, ఉద్యోగ అవకాశాలు గణనీయంగా పెరుగుతాయి. ఇలాంటి దాన్ని వదిలేసి ఈ సో కాల్డ్ మాదిగ మేధావులు, విద్యార్ధులు ఉస్మానియా యూనివర్సిటీలో గొడ్డు మాంసం వండడం, అందరికీ తినిపించండం తమ జీవితాశయంగా ఎందుకు భావిస్తున్నారో? గొడ్డు మాంసమే తినాలని అనుకుంటే బయట అది వండి పెట్టే హోటళ్ళు ఎన్ని లేవు. దర్జాగా వెళ్ళి తిని రావొచ్చు కదా? దాని కోసం ఇంత గొడవ, హడావిడీ, కత్తి పోట్లు, యూనివర్సిటీలో పోలీస్ పికెటింగ్ ఇన్ని అవసరమా?
  
కాబట్టి మాదిగ విద్యార్ధులారా మీ నాయకులకి, కేసీఆర్ బాషలో చెప్పాలంటే, బొంద పెట్టి ఉద్యమాన్ని మీ చేతుల్లోకి తీసుకొని ఎస్సీ వర్గీకరణ కోసం ఉద్యమించండి. మీరు, మీ తరువాతి తరాల వాళ్ళూ బాగు పడుతారు. గొడ్డు మాంసం కోసం కాదు. గొడ్డు మాంసమే కావాలని అనిపిస్తే హోటల్‌కి వెళ్ళండి.

"బట్టలు విప్పి చూపడం కూడా ఒక కళ. అది అందరికీ చేత కాదు" అబ్బ ఛా!

బట్టలు విప్పి చూపడం అన్న ఒక్క పాయింటుతో వార్తల్లోకెక్కి, బట్టలు విప్పి ఫోటోలు దిగడం, వాటిని ఇంటర్‌నెట్‌లో పెట్టడం అన్న సింగిల్ పాయింట్ ఎజెండాతో ముందుకు దూసుకుపోతున్న పూనమ్ పాండే తన లక్ష్యాన్ని చేరుకుంది. ఈ అమ్మడి బాలీవుడ్ సినిమా ఈ నెలలో మొదలవబోతోంది. "పూనమ్ అంటేనే హాట్ హాట్ చిత్రాలు. అలాంటిది నా సినిమాలో హాట్ సీన్లు లేకుండా ఎలా ఉంటాయి?" అని తన ట్విట్టర్‌లో కామెంట్ పెట్టి తన సినిమా ఎలా వుండబోతుందో ఎవరికీ అనుమానాల్లేకుండా కుండ బద్ధలు కొట్టింది ఈ అమ్మడు.
 
అర్ధ నగ్న, ముప్పావు నగ్న, తొంభై శాతం నగ్న చిత్రాలతో ఇంటర్‌నెట్‌లో సంచలనం రేకెత్తించి, THE MOST DOWNLOADED MODEL ON THE INTERNET (అలా అని గూగుల్ చెప్పిందట), అనిపించుకున్న ఈ చిన్నది తాను ఇప్పటి వరకూ ముప్పై పైగా బాలీవుడ్ ఆఫర్లని తిరస్కరించానని, ఈ సినిమా తన ఆరంగేట్రానికి బాగా పనికి వస్తుందని ఓకే చేశానని కూడా తన ట్విట్టర్ అకౌంట్‌లో చెప్పుకొచ్చింది.  "YES, After rejecting 30+ film offers i have signed a film which i feel is the best for my Debut" 
   
అయితే కొందరు చెప్తున్నట్టు ఈ సినిమా పూనమ్ జీవితం మీద తీయడం లేదట. "ఆ పిల్ల జీవితం మొత్తం నెట్‌లో తెరిచిన పుస్తకంలాగా అందరికీ కనిపిస్తూ ఉంటే కొత్తగా సినిమాలో చూపడానికి ఏం మిగిలింది?" అని ఈ సినిమా తాలూకూ మార్కెటింగ్ ప్రతినిధి ఒక స్టేట్‌మెంట్‌లో చెప్పాడు. ఈ సినిమాలో తాను సరి కొత్తగా క్నిపిస్తాను అంటుంది ఈ చిన్నది. "ఇప్పటివరకూ నేను చూపించింది ౫ శాతమే. నా అసలయిన టాలెంట్ ఈ సినిమాలో చూస్తారు" అని ఊరిస్తోంది. మొత్తం చూపాలంటే ఈ దేశంలో సెన్సారు వాళ్ళు ఒప్పుకోరు అన్న విషయం ఈ పిల్లకి ఎవరయినా చెప్తే బావుంటుంది.
 
                                                                   రోజ్లిన్ ఖాన్

"బట్టలు విప్పి చూపడం కూడా ఒక కళ. అది అందరికీ చేత కాదు" అని తన టాలెంట్ గురించి ట్విట్టర్‌లో డబ్బా వాయిస్తోంది పూనమ్ పాండే. ఈ విషయంలో కొంత నిజం కూడా ఉందేమో. స్నేహా ఉల్లాల్ అన్న హిందీ/తెలుగు హీరోయిన్ (ఉల్లాసంగా ఉత్సాహంగా, సింహా ఫేమ్) ఆ మధ్య సరయిన ఆఫర్లు లేకపోవడంతో, తనది ఒక హాట్ హాట్ వీడియో యు ట్యూబ్‌లో పోస్టు చేసింది. అలాగే రోజ్లిన్ ఖాన్ అన్న మరొక మోడల్ బ్రెస్ట్ కేన్సర్ గురించి అవగాహన కోసం అని తన టాప్‌లెస్ ఫోటోని, బ్రెస్ట్ ఎగ్జామినేషన్ వీడియోని పోస్ట్ చేసింది. అయినా వీరికి ఈ అమ్మడికి వచ్చినంత ప్రచారం రాలేదు.


మరొక విషయం ఏమంటే పూనమ్ పాండే హాట్ హాట్ సినిమా విడుదల బూతు చిత్రాల సుందరి సన్నీ లియోన్ నటిస్తున్న జిస్మ్-౨ తో పోటీ పడబోతోందట. ఇక చూడాలి ఇద్దరిలో ఎవరు బాక్స్ ఆఫీస్‌ని కొల్లగొడతారో.

వారసుల సినిమాలన్నింటిలో మొదట్లో ఈ సీన్లు ఉండాలి

ఒక మంచి సినిమా కుటుంబంలో వారసుడిగా పుడితే సినిమా పరిశ్రమలో ప్రవేశించడం గానీ నిలదొక్కుకోవడం గానీ తేలిగ్గా ఉంటుందని అందరూ అనుకుంటూ ఉంటారు. కానీ అది పూర్తిగా నిజం కాదు. వారి కష్టాలు వారికి ఉంటాయి. తాము ఎవరి కొడుకులో ప్రతి సారీ పాటల్లోనో, సన్నివేశాల్లో  వచ్చే డైలాగుల్లోనో వారికి వారు గుర్తు చేసుకుంటూ ఉండాలి. విలన్‌తో మాంచి ఆవేశంతో కూడుకున్న సీన్ వచ్చినప్పుడల్లా తమ వంశం ఎలాంటిదో, దాని గుణ గణాలు ఏపాటివో వల్లె వేయాల్సి వస్తుంది. ఇదంతా కొంచెం out of place అనిపించి చూసే వారికి (అభిమానుల్ని మినహాయించి) ఎబ్బెట్టుగా తోచవచ్చు.


   
ఈ సమస్యకి ఒక తేలికయిన పరిష్కారముంది. తమ కుటుంబం తాలూకూ డబ్బా కొట్టుకోవడం చెస్తూనే, మాంఛి పట్టున్న సీన్ వచ్చినప్పుడు "నేను సన్నాఫ్ సొ అండ్ సో" అని వల్లె వేయకుండా ఉండాలంటే సినిమా మొదట్లోనే హీరోతో తన కుటుంబ చరిత్రనూ, దాని తాలూకూ గుణగణాలను ఏక పాత్రాభినయం రూపంలో చెప్పిస్తే అటు కుటుంబ చరిత్రను చాటినట్లు ఉంటుంది. మధ్యలో అన్నంలో వచ్చే పంటికింద రాయిలాంటి స్వీయ వంశ స్వోత్కర్ష తప్పినట్లు ఉంటుంది. 

భన్వారీ దేవికి పట్టిన గతే తారా చౌదరికి కూడా

తారా దేవి రంకు భాగోతం గురించి చదువుతుంటే ఆ మధ్య రాజస్థాన్‌లో ఒక మంత్రితో ఎఫైర్ నడిపి తమ మధ్య శృంగారాన్ని వీడియో యీసి ఆ మంత్రిని బ్లాక్ మెయిల్ చేసి మర్డరై పోయిన భన్వారీ దేవి గుర్తు వస్తూంది. అయితే భన్వారీ లాగా తారా చౌదరి పల్లెటూరి బైతు కాదు.గుండెలు తీసిన బంటు. కాకపోతే తార చాలా మందిని కెలికింది. అది ఆమెకి ఇబ్బందులు తెచ్చి పెట్టొచ్చు. తాను నమల గలిగిన దాని కన్నా ఎక్కువ కొరికిందేమో ( biting more than she can chew). 
  
అయితే తారా దేవికి మైనస్ ఏమిటంటే ఆమె వల్ల ఇరుక్కు పోయిన వారిలో చాలా మంది పోలీస్ ఆఫీసర్లు కూడా ఉండడం.

చంపడం, చంపించడం లాంటి పనులు చేయడానికి రాజకీయ నాయకులు భయ పడవచ్చు తమ పేరు బయటకొస్తే ఓటు రాజకీయాలలో నెగటివ్ ఇమేజ్ వస్తుందని. అందునా ఇప్పుడు సీబీఐ ఉన్న స్పీడు చూస్తుంటే ఆ భయం ఇంకా ఎక్కువ అవుతుంది. కానీ పోలీసులకి ఇదంతా చిటికెల మీద వ్యవహారం. వారికి తారా దేవిని లేపేయడం చాలా సింపుల్. జైలులో ఉన్నంత కాలమే ఆమె ప్రాణాలకు భధ్రత. బయటకొస్తే మటాషే.


కాబట్టి అతి త్వరలో తారా చౌదరి మరణం గురించి పేపర్లలో వస్తే ఆశ్చర్య పడకండి.