గుడిసేటి వెంకటస్వామి

కాంగ్రెస్ పార్టీలో కొందరు నాయకులు ఉంటారు. నాయకుడు అని పిలిపించుకోవడానికి కావలసిన ఒక్క అర్హత కూడా వీరికి ఉండదు. అయినా పత్రికలు టీవీ చానళ్ళు వీరిని నాయకుల కింద లెక్కేస్తూ ఉంటారు. చిత్రమేంటంటే ఆ పార్టీ అధిష్టానం కూడా వీళ్ళకి నాయకుల కోటా కింద పార్టీలో కీలకమైన పదవులు కట్టబెడతారు.

ఈ జాబితాలో చెప్పుకోదగ్గ వారు కేశవ రావు, హనుమంత రావు, వెంకట స్వామి ఉన్నరు. వీళ్ళలో వెంకట స్వామిని కొందరు ముద్దుగా గుడిసెల వెంకట స్వామి అంటారు. అప్పుడెప్పుడో గుడిసెలలో ఉండే వాళ్ళ కోసం ఉద్యమం చేసి ఆ బిరుదు సంపాయించాట్ట ఆ మహానుభావుడు. ఆ దెబ్బతో కాంగ్రెస్ పార్టీలో అనేక పదవులు అనుభవించి ఆ అధికారాన్ని అడ్డు పెట్టుకొని వేల ఎకరాల స్థలాన్ని కబ్జా చేసి, కొడుక్కి పార్లమెంటు సభ్యత్వం, తనకి పార్టీ వర్కింగ్ కమిటీలో స్థానం చేజిక్కించుకొన్నాడు. రాజశేఖర్ రెడ్డి అడ్డుపుల్ల వేయకపోయి ఉంటే రాష్ట్ర పతి అయ్యుండేవాడినని ఆయన ప్రగాఢ నమ్మకం. చచ్చి ఏ లోకాన ఉన్నాడో గానీ ఈ విషయంలో వై ఎస్ కి ఈ దేశం ఎంతో ఋణ పడి ఉంటుంది.

ఇంత కంపు చరిత్ర ఉన్న కాకా అని పిలవ బడే ఈ పెద్ద మనిషి ఇప్పుడు తన స్ఠలం పక్కనే ఉన్న సినిమా నటుడు శ్రీకాంత్ తమ్ముడి భార్యకి చెందిన స్ఠలాన్ని కబ్జా చేశాడు. పైపెచ్చు ప్రెస్ మీట్ పెట్టి తను తెలంగాణా వాడు కాబట్టి ఈ నీచ కృత్యానికి తనకి మద్ధతు పలక లేదని తెలంగాణా జేఏసీ పైన అక్షరాలా ఉమ్మేశాడు.

వేల ఎకరాలు కబ్జా చేసిన ఈ పెద్ద మనిషికి ఈ గుడిసిటి బుద్ధి ఏమిటా అని ఆశ్చర్య పోకండి. ఆ స్థలం తన దానిలో కలుపుకొంటే వాస్తు రీత్యా బావుంటుందట. అదేం కాదు ఎంత మింగినా ఈయనకి తృప్తి ఉండదు. ఇంకా ఇంకా కావాలని అంటూ ఉంటాడు అని ఆయన నైజం తెలిసిన వాళ్ళు కొందరంటారు.

ఏది ఏమైనా భారత దేశానికి రాష్ట్ర పతి కావడానికి తనకి అర్హత ఉంది అని నమ్ముతున్న ఇతగాడికి ఇంత నీచమైన స్వభావం ఉందీ అంటే ఈయన్ని ఆ పదవిలోకి రాకుండా అడ్డుకున్నందుకు రాజశేఖర్ రెడ్డికి కోటానుకోట్లాది థాంక్స్.