మనం మనుషులమధ్యనే బతుకుతున్నామా?

నిన్న నల్గొండలో జరిగిన ఒక ఘాతుకాన్ని తలుచుకొంటే నాకు కలిగిన అనుమానం ఇది. నల్గొండ జిల్లాలో ఒక గ్రామంలో మంత్రాలతో ఊరిలోని వారికి అపాయం కలుగజేస్తున్నారన్న అనుమానంతొ ఉళ్ళోని వారంతా కలిసి ఇద్దరు వృద్ధులని కట్టేసి పెట్రోలు పోసి తగలబెట్టారు. ఇలాంటి అమానుష కృత్యాలు ఎక్కడో ఏ బీహార్ లాంటి వెనకబడ్డ ప్రాంతాల్లోనే జరుగుతాయనీ, మన రాష్ట్రంలో జరగవని నేననుకొనే వాడిని ఇన్నాళ్ళు.

అయినా ఎంత అనుమానం ఉన్నా మరీ ఇంత దారుణమా? ఆ చంపినా వారిలో అరవై మందికి పైగా ఆడవాళ్ళట! స్త్రీ శాంతిమూర్తి, దయా దాక్షిణ్యాలకు ప్రతీక అని చెప్పేవన్నీ ఒఠ్ఠి మాటలేనా? ఈ అనాగరిక స్థితిలోంచి ఈ మనుషులు ఎప్పటికి బయట పడతారో?దేవుడా నడిపించు ఈ జనాన్ని చీకటిలోంచి వెలుగులోనికి అన్న రవీంద్రనాధ్ ఠాగూర్ ప్రార్ధన ఏనాటికి ఫలిస్తుందో?