అయోధ్యకి రెండు పరిష్కారాలు

అయిదారు రోజుల్లో అయోధ్యపైన కోర్టు తీర్పు చెప్పబోతుంది. ఆ తీర్పు ఎలా ఉంటే ఏమౌతుందోనని కేంద్ర రాష్ట్ర ప్రభుత్వాలు బిక్కు బిక్కు మంటూ ఎదురు చూస్తూ ఉన్నాయి. అయోధ్యకి నేను రెండు పరిష్కారాలు అలోచించాను. చదివి మీ అభిప్రాయం చెప్పండి.

I. రెలిజియస్ మాల్/ మల్టిప్లెక్స్: ఇది అన్ని రకాల మతాలకి సంబంధించిన ప్రార్ధనా మందిరాల సమూహము. వివాదంలో ఉన్న స్థలాన్ని చిన్న చిన్న ప్లాట్లుగా విభజించి, ఒక్కో మతానికీ ఆ మతానికి సంబంధించి దేశంలో ఉన్న జనాభాని బట్టి స్థలాన్ని కేటాయించి అందులో వాళ్ళ ప్రార్ధనా మందిరాలని నిర్మించుకోవడానికి అనుమతినివ్వాలి. ఇందులో అన్ని మతాలు ఉంటాయి,హిందూ, ముస్లిం,సిక్కు,బుద్ద, జైన, పార్శీ ఇలా.

ఇంక గుడి ఇంటే దానితో బాటే మిగతా వ్యాపారాలు కూడా వస్తాయి, ఉదాహరణకి పూలు, పండ్లు,టెంకాయలు, దేవుడి ఫోటోలు అమ్మే దుకాణాల లాంటివన్నమాట. అక్కడికి వచ్చే భక్తుల కోసం అల్పాహారశాలలు లాంటివి కూడా వెలుస్తాయి. ఇలా చాలా మందికి ఉపాధి కూడా దొరుకుతుంది.

II.శ్మశానం కాంప్లెక్స్: మతాభిమానం కానీ మత దురభిమానం కానీ మనిషి బతికి ఉన్నప్పుడే. చచ్చిన వాడికి ఇవేమీ ఉండవు. కాబట్టి ఆ స్థలంలో అన్ని రకాల మతాలకి సంబంధించిన శ్నశానాలు కట్టేస్తే ఓ పనయిపోతుంది. పర్యావరణానికి హాని కలిగించకుండా శవాలని తగలేయడం, తగలేశాక ఆ చితా భస్మాలని అయిన వారికి అందచేయడం, దానికి ఇంతని ఫీజు వసూలు చేయడం ఇలా దీన్ని కూడా లాభసాటి వ్యాపారం కింది మార్చవచ్చు.

ఏదైనా పార్టీ ఎన్నికల మానిఫెస్టోలో రెండు రూపాయలకే అంత్యక్రియలు అనే వాగ్ధానం చేసి ఓటర్లకు గాలం వేయడానికి కూడా పనికొస్తుంది. దీనికి అనుబంధంగా 109 వాహనాలు ఏర్పాటు చేస్తామని ఇంకో వాగ్ధానం కూడా చేయవచ్చు. తెల్ల కార్డుదారులకు అంత్యశ్రీ అన్న పధకం ఒకటి పెట్టి ఓట్లకు గేలం వెయవచ్చు.