వైఎస్సార్ Vs చంద్రబాబు-2

లోగడ ఇదే టైటిల్ తో ఒక పోస్టు పెట్టాను.ఇది రెండవ భాగం.

వైఎస్ కీ చంద్రబాబుకీ ఒక ముఖ్య మైన తేడా ఏమిటంటే వాళ్ళు ప్రభుత్వ ఉద్యోగులతో వ్యవహరించిన తీరు.చంద్రబాబు ఉద్యోగుల దుంప తెంచేవాడు పని చేయండ్రా అని.నెను నిద్ర పోను మిమ్మల్ని నిద్రపోనివ్వను అని కూడా అన్నట్లు పత్రికల్లో వచ్చింది.ఒక గ్రామ సభలో ఒక అధికారి ఆయన సమక్షంలో గుండెపోటు వచ్చి చనిపోయాడు కూడా.

సహంజగానే తీసుకొనే జీతనికీ చేసే పనికీ ఏమాత్రం పొంతన లేని ఉద్యోగులకి ఈ వ్యవహరం నచ్చలేదు.అందుకె 2004 ఎన్నికలలో వాళ్ళు మూకుమ్మడిగా ఆయన పార్టీకి వ్యతిరేకంగా పని చేశారు.చాల చోట్ల రిటర్నింగ్ ఆఫిసర్లు వోటు వేయడం తెలియని వాళ్ళవీ చూపూ సరిగా లెని వాళ్ళవీ వోట్లు వాళ్ళు సైకిల్ అని చెప్పినా హస్తమ్మీద వేశారని చాలా మంది ఉద్యోగులే ఒప్పుంటారు.

వై ఎస్ ఈ పొరబాటు చేయలేదు.ఆయన ఉద్యోగస్తులకి చాలా వెసులుబాటు కలిగించారు.ఖచ్చితంగ పని చెసి తీరాలని పట్టుబట్టి వాళ్ళ పీకల మీద కూర్చోలేదు.టేకిటీజీ పాలసీలో పరిపాలన నడిపారు.లంచం తీసుకొంటూ రెడ్ హ్యాండెడ్ గా పట్టుబడ్డా ఉద్యోగంలోంచి సస్పెండ్ అవ్వాల్సిన పని లేదని,విచారణలో దోషి అని తేలే దాకా ఉద్యోగం చేసుకోవచ్చనీ ఒక జీవొ కూడా ఇచ్చారు.

ఇంత చేసినా 2009 ఎన్నికలలో తాము బొటాబొటీగానె నెగ్గడం ఆయన్ని నిరాశ పరిచింది.అందుకే రెండవసారి గెలిచాక ఉద్యోగులు ఏర్పాటు చేసిన సన్మాన సభలో ఆయన మాట్లాడుతూ 2014 ఎన్నికలలో తనని తన పార్టీని డిస్టింక్షన్ తో గెలిపించే భాధ్యతని ఆయన ఉద్యోగస్తులమీద పెట్టారు."మీకేం కావాలన్నా ఇస్తాం మమ్మల్ని బంపర్ మెజారిటీతో గెలిపించే పూచీ మీదే" అని అన్నారు.

ఆయన బ్రతికి ఉంటే వాళ్ళకోసం ఏమేమి చేసి ఉండే వాడో ఏమిచ్చి వాళ్ళని తమ శాశ్వత అనుయాయులుగా తిప్పుకొని ఉండేవాడో గానీ విధి ఆడిన కౄర నాటకంతో ఈ ప్రశ్నకి జవాబు లెకుండా పోయింది.