జగన్ ఓదార్పు దేవతా వస్త్రాలు

చిన్నప్పుడు ఒక కథ చదివాను. ఒక రాజు దేవతా వస్త్రాలు అని బట్తలేమీ లేకుండా దిగంబరంగా వీధుల్లో తిరుగుతూ ఉంటే ఆ దేవతా వస్త్రాలు తమకి కనబడలేదంటే తమలో ఎక్కడ లోపం ఉందనుకుంటారోనని ఎవరూ ఆ రాజు నగ్నంగా ఉన్నాడని చెప్పరు. చివరికి ఒక పిల్లవాడు ఆ సంగతి పెద్దగా చెప్పాక అందరూ పెద్దగ ఆ విషయం చెప్పడానికి సాహసిస్తారు.

ఇప్పుడు జగన్ ఓదార్పు విషయంలో నాకు ఆ కథే గుర్తుకొస్తూంది. తన యాత్ర ప్రజలని ఓదార్చడానికే అని జగన్ నమ్ముతూ ఉన్నట్లు అతనూ, అతని మీడియా, సాక్షి పేపర్, చానల్ అదేపనిగా ఊదర గొట్టడాన్ని అర్థం చేసుకోవచ్చు. అయితే అదే విషయాన్ని అతని వెంట ఉన్న చెంచాలు కూడా పదే చెప్పడం దాన్ని అందరి చేతా నమ్మించడానికి ప్రయత్నించడం అంత అర్థం కాని విషయం కాదనుకున్నా, థూచ్ ఇది ఓదార్పు కాదు అని ఎన్నో సార్లు ఎంతో మంది బ్లాగర్లు విప్పి చూపుతున్నా వాళ్ళు ఏమాత్రం తొణక్కుండా తమ యాత్రని కొనసాగిస్తూ ఒక అబద్దాన్ని తాము నమ్మడమే కాకుండా రాష్ట్రంలో ప్రజలందరిచేతా నమ్మించాలని ప్రయత్నిస్తూండడమే ఆశ్చర్యంగా ఉంది.