ఒరేయ్ మూర్ఖుల్లారా అసలైన దేవుడిని తెలుసుకోండి

దేశంలో బాబాలకు, స్వాములకూ బ్యాడ్ టైం నడుస్తోంది. మొన్నటికి మొన్న కల్కి భగవాన్, నిన్న అమ్మాయిలతో కామ కేళీ కలాపాలలో నిత్యానందం ....ఇక నోట్లోంచి లింగాలు బయటికి తీయగలిగి కూడా చెక్ బౌన్స్ కాకుండా ఆపలేని సాయి బాబా జూనియర్, కబ్జా కోరు కాళేశ్వర్ ఉండనే ఉన్నారాయే. కొంతమంది ఇదంతా కేవలం విష ప్రచారమనీ, హిందువుల మనో భావాలు దెబ్బ తీసే కుట్ర అనీ వాదిస్తున్నారు.కానీ నా ఉద్దెశ్యంలో ఈ దొంగ వెధవ బాబాల వల్లనె హిందు మతం భ్రష్టు పట్టి పోతోంది.అయిన వీళ్ళని అని ఏం లాభం.కషాయం చూడగానే ఎగేసుకొని పోయే భక్తులని అనాలి ముందు. అసలు7 మనకేం తక్కువ?ముగ్గురు త్రిమూర్తులని పిలవబడే ఫస్ట్ క్లాస్ దేవుళ్ళూ,చిన్నాచితక దేవుళ్ళు ఓ మూడూ కోట్లూ, ఫెమినిస్టులు ఫీలవకుండా ఎందరో దేవతా మూర్తులూ, వీళ్ళలో కొందరు శాంతి మూర్తులు లక్ష్మి, సరస్వతి లాగా మరికొందరు రౌద్ర మూర్తులు కాళి ఎట్సెట్రా ఉండగా ఈ అందరినీ వదిలి పెట్టి ఈ వెధవలని దేవుళ్ళు అని పూజించాల్సిన ఖర్మ మనకేంటి?
అందుకె శంకరాచార్యులు గారు ఎప్పుడో అద్వైతాన్ని భోదించారు.ఒరేయ్ వెధవాయిలూ దైవత్వం ఎక్కడో లేదురా, అది నీలో ఉంది, నాలో ఉంది అన్ని చోట్లా ఉంది అని.మమూలూ భాషలో చెబితే వీళ్ళు వినరని సంస్క్రుతంలొ రెండు మాటలు చెప్పారు: సర్వం ఖల్విదం బ్రహ్మం, అహం బ్రహ్మస్మి అని. అంటే అనీ చోట్లా బ్రహ్మం నిండి ఉంది, నేనే బ్రహ్మాన్ని అని. కాబట్టి విశ్వ వ్యాపితమైఉన్న దైవత్వాన్ని అరాధించండి, పూజించండి. దొంగ బాబాలని చీత్కరించండి.