రాజ్ థాకరేకి ఇంకా పిచ్చి తగ్గలేదు.పాపం!!

రాజ్ థాకరే గుర్తున్నాడా? శివసేన నాయకత్వ పగ్గాలు దక్కలేదని దానిలోంచి విడిపోయి మహారాష్ట్ర నవనిర్మాణ సేన అని పెట్టి బయట రాష్ట్రాల నుండి, మరీ ముఖ్యంగా బీహార్ నుంచి బొంబాయికి వచ్చిన వాళ్ళని, అమితాబ్ బచ్చన్ తో సహా టార్గెట్ చేసి, తరువాత ఎన్నికలలో శివసేన, బీజేపీ ఓటు బ్యాంకుని చీల్చి కాంగ్రెస్ నెత్తిన పాలు పోసిన మరాఠా అగ్గి బరాఠా గురించే నేను చెప్తున్నది.
 
ఈ మధ్య అస్సలు వార్తల్లోకి ఎక్కక పోవడంతో ఈ సేనానికి ఏమీ తోచలేదేమో పాపం. ఈ సారి సెన్సారు వాళ్ళ మీద పడ్డాడు. బొంబాయి ముంబాయిగా మార్చిపారేసి, ఎక్కడైనా బొంబాయి అని రాసి ఉన్న బోర్డులన్నీ పగలగొట్టినా ఇంకా కొంతమందికి బుద్ధి రాకపోవడంతో సారుకి చిర్రెత్తుకొచ్చింది. ముందుగా సినిమాల సంగతి చూద్దామని నిర్ణయించుకొని సెన్సారు బోర్డు చైర్ పర్సన్ షర్మిలా ఠాగూర్
కి ఒక నోటీసు పంపాడు.

ఏ సినిమాలో అయినా పొరబాటుగానైనా బొంబాయి అన్న శబ్దం వినిపిస్తే ఆ తరువాత జరగబోయే పరిణామాలకి సెనారు బోర్డే బాధ్యత వహించాల్సి ఉంటుందని ఒక కటువైన హెచ్చరిక జరీ చేశాడు.
 
"ఓయ్ సన్నాసీ!What's in a name? అని షేక్స్ పియర్ అనే ఒకాయన ఎప్పుడో చెప్పాడు. బొంబయి అని పిలిస్తే తగ్గేది, ముంబాయి అని పిలిస్తే ఎక్కువయ్యేది ఏమైనా ఉందా? నీకు చేతనయితే బొంబాయి లేదా ముంబాయిలో ఎంతోమంది తిండి అల్లాడేవాళ్ళున్నారు, వాళ్ళకోసం ఏదైనా చెయ్యి.  


మురికి వాడల్ని అభివృద్ధి చేసి నీకు ఇష్టమైన బొంబాయి/ముంబాయిని కొంచెం అందంగా తీర్చిదిద్దు. అంతే కానీ, కూటికీ గుడ్డకీ పనికి పనికి రాని విషయాల మీద రాద్ధాంతమెందుకు?" అని ఈ బ్లాగు రాజ్ థాకరే మహాశయుడిని ప్రశ్నిస్తూంది.