రాజకీయనాయకుల అవినీతిలో ఒకప్పుడు బొఫోర్సు గురించి ప్రజలు, గిట్టని వాళ్ళు నోళ్ళు వెళ్ళబెట్టుకొని చెప్పుకొనేవారు. ఆ తరువాత పీవీ నరసింహారావు గారి హయాంలో యూరియా కుంభకోణం గురించీ అలాగే చెప్పుకొనే వాళ్ళు. తరువాత లలూ యాదవ్ గారు పశువుల దాణా స్కాములో నూతన శిఖరాలని అధిరోహించారు. ఈ చిన్నాచితకా స్కాములని తలదన్నేలా మధు కోడా గారు తన అవినీతి విశ్వరూపాన్ని చూపించి ఔరా అనిపించి అవినీతికి నూతన నిర్వచనం చెప్పారు. ఇప్పట్లో ఆ రికార్డు బద్ధలయ్యేలా కనిపించక పోవడంతో అవినీతి నాయకులని మధు కోడా అని పిలవడం మొదలయ్యింది.మొన్నకు మొన్న మన రాష్ట్రంలో కన్నా లక్ష్మీ నారాయణని ముద్దుగా "మధు కోడా" అని రాయపాటి సాంబశివరావు తిట్టడం గుర్తే కదా.
Records are meant to be broken అని ఊరికే అనలేదు. మన డీఎంకే మంత్రి, కేంద్రంలో టిలికాం శాఖామాత్యులు రాజా గారు తన పేరుని సార్ధకం చేసుకొంటూ Raja of all scams అని పిలవదగ్గ స్కాముని మన కళ్లముందు ఆవిష్కరింపజేశారు. ఇలా ఈ స్కాముల రంగాన్ని తన అవిరళ కృషితో రాజాగారు అభివృద్ధి చేస్తూ నానా కష్టాలు పడుతూ ఉంటే కుళ్ళుమోతు కాగ్ వాళ్ళు, పనిలేని,పనికి మాలిన ప్రతి పక్షాలు, ఈ బ్లాగోడు ఆడిపోసుకోవడం ఏమైనా బావుందా?
నాన్నా రాజాబాబూ, నువ్వు నీ పని కానివ్వు స్వామీ! ఈ లక్షా డెబ్బయి కోట్ల రూపాయలు 2G స్పెక్ట్రం కేటాయింపులో జరిగిన స్కాము. 3G లో ఎంత జరిగిందో ఆ లెక్కలు కూడా బయట పెట్టి నీ ఘనతని అందరికీ చాటి నోళ్ళు వెళ్ళబెట్టేలా చేయి. అలాగే 4G,5G లాంటివి కూడా ఏమైనా వస్తే అప్పుడు కూడా నువ్వే ఆ శాఖకి మంత్రిగా ఉండి ఈ దేశంలోనే కాదు ప్రపంచ వ్యాప్తంగా, చివరికి నిలువెత్తు అవినీతికి చిహ్నాలని అందరూ ఈసడించుకొనే ఆఫ్రికా దేశాలని కూడా మించిపోయి లోకమంతా ఖాండ్రించి ఉమ్మేసే ఘనకీర్తి మూటగట్టుకొంటావని ఆశిస్తూ ఈ బ్లాగు చదివే వాళ్ళందరి తరఫునా ఆశీర్వదిస్తున్నాను.
3 comments:
raja is one of the dice in this huge briby scandal.the original players were behind the board,if raja opens his mouth means,the govt collopse.
ఈ రాజా గారి గొడవలో పడి మన రాజా ఆఫ్ కరప్షన్ గురించి మరచి పోవడం నాకసలేమీ నచ్చలేదండీ.
This guy is latest raja.
Post a Comment