ఇక మిగిలింది రియాలిటీ శోభనమే!!!

రియాలిటీ సంగీత పోటీలతో మొదలై, రియాలిటీ ఆటలు,పాటలు,చిందులు ఇలా ప్రేక్షకాదరణ పుష్కలంగా ఉండడంతో ఇవి వెర్రి తలలు వేసి ఇప్పుడు రియల్ ముద్దులు,ప్రేమలు ఇలా నానా పుంతలు తొక్కుతున్నాయి. ఆ మధ్య రాఖీ సావంత్ స్వయంవరం కూడా జరిగింది ఒక చానల్లో. ఇప్పుడు పెళ్ళి కూడా జరుగుతోందని చదివాను.
        
ఇక మిగిలింది శోభనమే. చానల్స్ మధ్య పోటీలో ఏదో ఒక దిక్కుమాలిన చానల్ అతి త్వరలో ఆ ముచ్చట కూడా తీర్చేస్తుంది ప్రేక్షక మహాశయులకు. ఒక అబ్బాయినీ అమ్మాయినీ గదిలోకి పంపి, చుట్టూ కెమెరాలు పెట్టి ఆ తంతును రికార్డు చేసి కోర్టు ముడ్డి మీద తంతుంది అనిపించిన భాగాలను కత్తిరించి మిగతా దాన్ని టెలికాస్ట్ చేస్తే టీఆర్పీ పాయింట్లే పాయింట్లు.