టీవీలో వెంకటేష్‌ని చూడగానే నాగవల్లి సంగతి తెలిసిపోయింది.

బ్లాగర్ మిత్రులు ఎంతమంది మొత్తుకున్నా నాగవల్లి చూడాలని టికెట్స్ బుక్ చేసి పెట్టుకొన్నాం ఆదివారం సాయంత్రానికి. బలి పశువులు కాబోతున్నామని ఒకవైపు తెలుస్తూనే ఉంది. అయితే నాగవల్లి మటాషన్న సంగతి ఆ సినిమా పైన వచ్చిన రివ్యూలకన్నా మరీ కొట్టొచ్చినప్పుడు తెలిసింది నిన్న సాక్షి టీవీలో వెంకటేష్‌ని చూసినప్పుడే.
  
ప్రతి అడ్డమైన సినిమాకి పనిచేసిన వాళ్ళను, నటులు కానీ టెక్నీషియన్స్ కానీ అన్ని ఛానల్స్ వాళ్ళు స్టూడియోల్లో కూర్చోపెట్టి కాలర్స్‌తో మాట్లాడించి వాళ్ళతో సూపరాతిసూపర్ అని బిరుదులిప్పించి హంగామా చేయడం సాధారణమే కానీ ఒక టాప్ హీరో అలా చేయడం మొన్న ఖలేజా సినిమాకి మహేష్ బాబు తరువాత ఇప్పుడు వెంకటేషే.
  
మామూలుగా ఇలాంటి వాటికి దూరంగా ఉండే వెంకటేష్ లాంటి హీరోలు ఇలా సినిమాల ప్రమోషన్‌లో పాలు పంచుకోవడం అబినందనీయమే. అయితే, ఇది నాగవల్లి సినిమా కలెక్షన్లు పెంచుకోవడానికి ఆ చిత్ర నిర్మాతలు ఎంత డెస్పరేట్‌గా ఉన్నారో తెలిపింది.


అయినా సరే మేం నాగవల్లి చూసే ప్రోగ్రాం కేన్సిల్ చేసుకోబోవడం లేదు. బెల్లంకొండకి మావంతు కంట్రిబ్యూషన్ మేం చేయబోతున్నాం.